Forstanderit ukioq manna isumasioqatigiisinneqarneranni ilisimasanik avitseqatigiinneq, oqaloqatigiinneq aamma suliaqarfiit iluini paasissutissanik nutaanik saqqummiinissat siunertaapput. Forstanderit isumasioqatigiisinneqarnerini Isumaginninnermut Aqutsisoqarfiup ulloq unnuarlu paaqqinnittarfinni ilinniarsimanatik sulisunut pikkorissarnerit nutaat, suliniutit nutaat saqqummiunneqarput kiisalu ulloq unnuarlu paaqqinnittarfiit sunik unammillernartuuteqartarnersut eqqartuisoqarluni.
Isumasioqatigiinneq iluatsilluarpoq aamma forstanderit saqqummiussassanik nutaanik kissaatitik saqqummiuppaat aamma Forstanderit 2022-mi isumasioqatigiisinneqarnissaannut taakkua malitseqarfigineqassapput.
Forstanderit nalinginnaasumik ukiut tamaasa isumasioqatigiisinneqartarput, 2020-mili Corona peqqutigalugu isumasioqatigiinnissaq unitsiinnarneqarpoq.
Forstanderit isumasioqatigiisinneqarneri pillugit apeqqutit uunga
saaffiginnissutigineqarsinnaapput uupi@nanoq.gl
Forstanderit isumasioqatigiinnerat 2021
Isumaginninnermut Aqutsisoqarfiup Ulloq unnuarlu paaqqinnittarfiinik nakkutilliisoqarfik aamma inissititeriffiata Namminersorlutik Oqartussat ulloq unnuarlu paaqqinnittarfiutaanni forstanderit Ilulissani isumasioqatigiisippai 2021-imi septemberip ulluisa 14-aniit 17-ata tungaanut.
1. november 2021
