airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Aaqqiagiinnginnermi timip atorneqarnerani iliuusissat pillugit pikkorissaaneq Prinsesse Margrethes Børnehjem (Tasiilaq) aammalu immikkoortortaqarfik (Nasippi) taavalu Inuusuttut Inaat (Qaqortoq) taavalu Ivaneq (Nuuk) 2021

Pikkorissaanerup siunertarivaa pinaveersaartitsinermik aaqqiagiinnginnermilu aaqqiangiinngissutip pinaveersaartinnissaa imaluunniit annikillisarnissaa, suliffinni tamani, pitsaaliuinermik isumassuinermillu pingaarnertut ingerlatsiffiusuni nakuusernermik, aaqqiagiinnginnermik siorasaarisarnermillu nalaatsinerit ikilisarnissaat.
14. december 2021

Pikkorissaanerup imarivai:

  • Pissanganartorsiornermi/aaqqiagiinnginnermi toqqissisimanermik tunisisinnaaneq
  • Pissaanermik atuinerup annikinnerpaanngorlugu killilersimaarneqarnissaa
  • Ataatsimoortumik periusissat ikiorsiullugit nakuusernermik aamma pissaanermik atuineq pillugu ataatsimoortumik paasinninnerup oqariartuuteqartarnerullu pilersinnissaa
  • Pissaanermik atuinermi ilisarnaatit iluaqutillu
  • Eqqarsarsinnaanermut aamma ineriartortitsinissamut periarfissanik pilersitsinissaq
  • Nakuuserneq aamma pissaanermik atuineq pillugu pitsaaliuinermi iliuusissat pillugit nutaamik nukissaqalernissamut pilersitsineq

Pikkorissaareernerup kingorna sulisut ilaatigut oqariartuutigivaat makku pissarsiarisimallugit:

  • Aaqqiagiinngittoqarnerani nalornissutigisat takusinnaanerulerlugit, qanoq iliortoqarsinnaaneranik sakkussanik pissarsineq.
  • Sulinermi suli nukissanik annertunerusunik pissarsineq, sulinissamut kajungernerulerneq, imminut illersorsinnaaneq najugaqartullu pingaarnerutillugit illersornissaannut pissarsiaqarneq.
  • Najugaqartut iluaalliuutaannut takunninniarsinnaanerulerneq, taamaalilluni aaqqiagiinnginnerup pinissaraluanut annikillisaasinnaanissaq.

Ataatsimut isigalugu pikkorissaaneq ingerlalluartutut angusaqarluarfiusutut nalilerparput, peqataasut katillutik 58-iupput ulloq unnuarlu paaqqinniffiit assigiinngitsuni pingasuniik, soqutiginnilluarlutik peqataanerat qujamasunnaqaaq.