Innarluutilinnik sullissisunut siunnersortit illersuisunik qulequttat pingasut assigiinngitsut qulequtaralugit pikkorissartitsipput.
Isumaginninnermut Aqutsisoqarfiup innarluutilinnik sullissisunik siunnersortit Avannaata Kommuniani illersuisunik Ilulissani Hotel Arcticimi pikkorissartitsipput.
Qulequttat makkua sammivaat:
Tunngaviusumik ingerlatsinermut pisinnaatitaafiit aamma innarluutilinnik sullissineq
Peqataasut sullissilluarnissamut piumasaqaatit aamma suliani aalajangiisarnerit pillugit ilisimasaqalersinneqarput. Pikkorissarneq taanna sulianik suliaqartartunut aamma aqutsisunut sammivoq.
Inunnut innarluutilinnut inatsit
Pikkorissaanermi peqataasut innarluutilinnik sullissisut Inuit innarluutillit tapersersorneqarnissaannut Inatsisartut inatsisaat nr. 13, 12. juni 2019-imeersoq naaperotrlugu sullissisartut ilisimatinneqarput. Inuit innarluutillit pisariaqartitsinertik naapertorlugu ikiorneqartarsnissaat atuartitsinerup qulakkeertussaavaa.
Illersuisunik pikkorissaaneq
Illersuisut pillugit inatsimmi allassimasunik peqataasut ilisimasaqalernissaat illersuisunik pikkorissaanerup siunertaraa. Pikkorissartitsinermi kommunimi illoqarfiit tamarmik immikkut qassinik illersuisoqarnissamik piumasaqaatinik peqataasut aamma illersuisut qanoq piginnaasaqartussaatitaanerannik ilisimatinneqarput.
Innarluutilinnik sullissisunut siunnersortit pillugit Isumaginninnermut Aqutsisoqarfiup nittartagaani paasissutissanik amerlanerusunik atuarsinnaavutit.
