Innuttaasut kommunillu ilaqutariit paarsisartut pillugit paasissutissat amerlanerit sullissivik.gl-imi atuarsinnaalerpaat. Kommunit sullissisullu ilaqutariit paarsisartut assigiinngiiaartut, akigititat attaveqaatillu pillugit innuttaasunut paasissutissat sukumiinerusunut quppernermiittut innersuussuutigisinnaavaat imaluunniit ilaqutariit paarsisartut pillugit paasissutissanik amerlanerusunik namminneerlutik pissarsiffigisinnaavaat. Innuttaasut ilaqutariittut paarsisartunngornissaminnut paasissutissat isumassarsiorfigisinnaavaat imaluunniit aallaavigalugit aalajangersinnaapput.
Sullissivik.gl-imi ilaqutariit paarsisartut pillugit paasissutissat makkunannga imaqarput; ilaqutariit paarsisartut assigiinngiiaartut, akigititat, attaveqaatit aamma qinnuteqaat. Paasissutissat sukumiinerusut uani nassaarineqarsinnaapput:
- Ilaqutariit paarsisartut assigiinngiiaartut:
- Ilaqutariit qanigisai paarsisartut
- Kommunip aaqqissuussaanik ilaqutariit paarsisartut
- Inuussutissarsiutigalugu ilaqutariit paarsisartut
- Pinasuartumik ilaqutariit paarsisartut
- Oqilisaassillutik ilaqutariit paarsisartut
- Inuit nammineq aaqqissuussaannik ilaqutariit paarsisartut
- Akigititat
- Ilaqutariittut paarsisartunngorumalluni qinnuteqaat
- Inatsisit
Paasissutissat internetikkut tamanit pissarsiarineqarsinnaapput. Tassa imaappoq ilaqutariit paarsisartut pillugit paasissutissanik suminngaanniilluunniit aamma qaqugukkulluunniit kikkut tamarmik pissarsisinnaapput.
Ilaqutariittut paarsisartuuneq pillugu ilisimasaqarnerulernissaq aamma ilaqutariit paarsisartut pillugit ilisimasat siammarternissaat sukumiinerusumik paasissutissiissutigerusullugit qupperneq pilersinneqarpoq. Ilaqutariit paarsisartut pillugit ilisimasat tamarmik ataatsimut katersorneqarnissat anguniagaavoq, taamaalilluni innuttaasut kommunillu paasissutissanik tuniorarneqarsinnaalissammata.
Paasissutissanik iluaqutaasinnaasunik quppernermi allassimanngitsunik amigaateqarpit? Taamaassimassappat siunnersuisarfik@nanoq.gl attavigiuk.