Meeqqanut Inuusuttunullu Naalakkersuisup Aqqaluaq B. Egedep Sapaatit akunnerata 41-p innarluutilinnut tunngatitaasup qulequtaa saqqummiuppaa.
Qulequtaavorlu: Ulluinnarni naleqartitat – Ulluinnarni ingerlalluarneq nammineernerunerlu
Tusagassiorfinnut nalunaarut uani atuaruk.
Nalituumik nammineernerullunilu inuuneqarneq assigiinngitsunik paasineqartarpoq, amerlanernullu naleqartitat tassaasarpoq oqinnerusumik nammineernerusumillu inuuneqarneq.
Taamaattumik Innarluutillit Sapaatit Akunneranni innarluutillit naleqarnerusumik nammineernerullutillu inuuneqalernisaat ukkatarineqassaaq.
Innuttaasut attuummassutillilu allat ukioq manna Sapaatit akunnerani 41-mi qulequtsiunneqartoq aallaavigalugu aaqqissuussinissaminnut tapiissutinik aamma qinnuteqarsinnaapput.
Nittartakkatsinni aamma ugguuna qinnuteqarsinnaavutit.