Inunnik Isumaginninnermut Aqutsisoqarfik inunnik isumaginninnermi sullissisunik aqutsisunillu katillugit 27-nik kommuneqarfinnit tamaneersunik iluatsilluartumik oktobarip 21-anniit 24-annut Nuummi pikkorissaavoq.
Pikkorissaanermut inuit innarluutilllit tapersersorneqarnissaat pillugu Inatsisartut inatsisaat naapertorlugu tamakkiisumik isiginnittumiknunatsinni inunnik innarluutilinnik isumaginninnermi sullissinissaq ingerlatsinissarlu tunngaviuvoq.
Pikkorissaanerup imarisai
Pikkorissaanermi Inuit innarluutillit tapersersorneqarnissaannut Inatsisartut inatsisaat nr. 13, 12. juuni 2019-imeersoq tunngavigalugu sullissineq sammineqarpoq, tassani qulequttat pingaarnerit tassaallutik:
• Ingerlatsinissamut pisinnaatitaaneq tunngaviusoq
• Qulaajaaneq
• Nalunaartussaatitaaneq
• Sullissinermi suleriutsit
Pikkorissaaneq ulluni pingasuni uummaarissumik oqalliffiulluartumillu ingerlanneqarpoq, peqataasut soqutiginnilluartut peqatigalugit, peqataasullu pikkorissarneqartik iluareqaat akulikinnerusumillu assigusumik pikkorissarneqartarnissartik naapittarnissartillu kissaatigalugu.
Pikkorissaanermit assilisat ataani takukkit:
