Aningaasaateqarfik Inuuneritta
Illoqarfinni nunaqarfinniluunniit peqqinnerulersitsinissamik ineriartornissamillu siunertaqartumik suliniuteqarusuppit piviusunngortikkusulluinnakkannik?
Pinaveersaartitsiniarluni imaluunniit peqqinnerulersitsiniarluni suliniummik isumassarsiaqaruit piumassuseqarlutillu, najukkanni piviusunngortikkusutannik, Inuunerittamiit aningaasaliissutinik qinnuteqarsinnaavutit.
Inuuneritta III
Inuuneritta III-mi pingaarnertut meeqqat atugarissaarnissaat ukkatarineqarpoq, ima qulequtserlugu: Meeqqat inuunerissut.
Aningaasanik agguaanermi suliniutit meeqqanik, inuusuttunik ilaqutariinnillu peqataatitsisut pingaarnertut inissisimatinneqartarput. Taakku saniatigut ataani allassimasut isiginiarneqartarput:
- Sammisat ataatsimoorfiillu pitsaasumik peqataatitsisut
- Avatangiiseq atorlugu peqqinneq aalanerlu
- Meeqqanut, inuusuttunut ilaqutariinnullu silami sammisaqartitsinerit
- Sumiiffinni suleqatigiilluni meeqqat inuusuttullu atugarissaarnerulernissat pillugit suliniutit
- Suliniutit ilaqutariinnut tunngassutillit
- Peqqinnartumik sammisaqartitsinermi angajoqqaanik peqataatitsinerit
Ataani allassimasut aningaasalerneqarneq ajorput:
- Aningaasartuutaareersimasut
- Aaqqissuussat aningaasannanniarfiusut – matumani soorlu aaqqissuussat isilernermi akiliiffiusussat
- Angalanermi aningaasartuutit – matumani soorlu angallammik attartornermut imaluunniit benzin-amik assigisaannilluunniit pisinerit
- Billet kiisalu unnuinernut aningaasartuutaasussat
- Aningaasarsiassat
- Pikkorissarnerit ilinniarnerillu. Namminermut tunngasut imaluunniit pikkorissartitsinerit ilinniartitsinerillu
- Unammisitsinermi akissarsiassat/pinnatassat
- Timigissartarfiit atornerinut akiliutit
- Katsorsartinnerit, assersuutigalugu atornerluisuunermut katsorsartinneq
- Pilersaarutit Kalaallit Nunaannut attuumassuteqanngitsut
Qinnuteqaat
Una aqqutigalugu qinnuteqarsinnaavutit: Qinnuteqaat
Ulloq qinnuteqarfissaq kingulleq: 28. februari 2026
Nalunaarusiorneq aamma naatsorsuutit
Tapiissutit tiguneranni, sammisassap ingerlanneqareernerani tassunga naatsorsuutinik aammalu nalunaarusiamik nassiussinissaq pisussaaffiulertarpoq.
Nalunaarut nalunaarutigineqassaaq ugguuna attaveqarnermut: Nalunaarsuineq
Apeqqutissaqarpit?
Apeqqutissaqaruit uunga allassinnaavutit paarisa@nanoq.gl imaluunniit sianerlutit oqar. 34 50 00
