airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Juullikkunni sammisanut tapiissutit


Qinnuteqarfissaq kingulleq: 10. november

Juullilernerani sammisassaqartitsinernut tapiissutinik qinnuteqarit  

Kommunit juullilernerani sammisassaqartitsinernut tapiissutinik qinnuteqarsinnaapput. Sammisassat pingaarnertut pineqartut ilaqutariinnut innuttaasunullu atugarliortunut attuumassuteqassapput. Ilaatigut inimik attartuinermut, pinnersaatinut, nerisassanut, qiortagassanik juullerpaluttunik pisiniarnermut, mamakujuttusiniarnermut il. il. aningaasartuutinik qinnuteqartoqarsinnaavoq.

Ilaqutariit aningaasaqarnikkut allatigullu ulluinnarni unammilligassaqartut tapersersornissaat siunertaavoq. Juullilernerani sammisassaqartitsineq tassaavoq ulluinnarmit tatineqarfiusumit allamut saatinneqalaarnissamut neqeroorut, tamannalu juullip nalaani ilaqutariinnut pilluarnartumik misigisaqarnissaannut pilersitsisinnaavoq.

Ilaannakortumik aningaasartuutissat ilaat akuerineqanngillat ukununnga tapiissuteqartoqarneq ajormat:

  • Koori juullerpalaartunik imaluk, poortungarsiassat il.il. pissarsiasallu allat, inuuttaasut atugarliortut peqataatinnagit akuerineqannginngillat.
  • Nerisassanik qiortagassanillu pajuttuisoqarsinnaanngilaq imaluunniit ataatsimoorluni nerisitsineq.
  • Aningaasanik agguaasisoqarsinnaanngilaq, ataatsimoortitsillunilu inuttaasut peqataatinneqannginneri sammisassaqartitsinerunngimmallu.


QINNUTEQAATIT
Ukiut tamaasa qinnuteqarnissamut killiliussaq tassaavoq 10. november.

Attavigiuk: +299 58 04 19 nalunaaqutaq 9.00-ip-15.00-illu akornini

MALUGIUK! Qinnuteqaatinnut ilanngussassat makku piareersimatikkit:

- Sammisaqartitsiniarnermi aningaasatigut missingersuutit

Skabeloni-mik amingaateqaruit missingersuusiornissamut atugassaq uani aaneqarsinnaavoq: Skabeloni aajuk

Siornatigut sammisassaqartitsinernit misilittagaqarpisi illoqarfinni nunaqarfinnilu allani isumassarsiorfittut atorneqarsinnaasunik? Taamaappat suliniutisi pitsaasut siammarterniarlugit Isumaginninnermut Aqutsisoqarfimmit tusarfigerusuppatsigit - Assersuutigalugu sammisassaqartitsinersi pillugu nutaarsiassaqarussi, assit allalluunniit pillugit naat sumik nassuiaatit tapi@nanoq.gl-imut nassiussinnaavasi. 

Covid-19:
Aaqqissuisuusugut matumuuna Covid-19-ip ingerlarnga immikkuullarissumik malinnaaffiginissaanut pisussaaffeqarpugut, aaqqissuussinernilu assannut sprittinut, inuit imminnut qaninnaveersaarnissaannut, peqataasut amerlassusaannut il.il. malittarisassat sukkulluunniit atuuttut eqqortinnissaannut pisussaaffilerluta. Aaqqissuussisoq maani malinnaassaaq: https://nun.gl/