Kommunit juullilernerani sammisassaqartitsinernut tapiissutinik qinnuteqarsinnaapput. Sammisassat pingaarnertut pineqartut ilaqutariinnut innuttaasunullu atugarliortunut attuumassuteqassapput. Ilaatigut inimik attartuinermut, pinnersaatinut, nerisassanut, qiortagassanik juullerpaluttunik pisiniarnermut, mamakujuttusiniarnermut il. il. aningaasartuutinik qinnuteqartoqarsinnaavoq.
Ilaqutariit aningaasaqarnikkut allatigullu ulluinnarni unammilligassaqartut tapersersornissaat siunertaavoq. Juullilernerani sammisassaqartitsineq tassaavoq ulluinnarmit tatineqarfiusumit allamut saatinneqalaarnissamut neqeroorut, tamannalu juullip nalaani ilaqutariinnut pilluarnartumik misigisaqarnissaannut pilersitsisinnaavoq.
Ilaannakortumik aningaasartuutissat ilaat akuerineqanngillat ukununnga tapiissuteqartoqarneq ajormat:
- Koori juullerpalaartunik imaluk, poortungarsiassat il.il. pissarsiasallu allat, inuuttaasut atugarliortut peqataatinnagit akuerineqannginngillat.
- Nerisassanik qiortagassanillu pajuttuisoqarsinnaanngilaq imaluunniit ataatsimoorluni nerisitsineq.
- Aningaasanik agguaasisoqarsinnaanngilaq, ataatsimoortitsillunilu inuttaasut peqataatinneqannginneri sammisassaqartitsinerunngimmallu.
Quppernerup talerpiata tungaani iserfissaq toorlugu TAPI-miit tapiissutinik qinnuteqaat immersoruk.
MALUGIUK! Qinnuteqaatinnut ilanngussassat makku piareersimatikkit:
- Sammisaqartitsiniarnermi aningaasatigut missingersuutit
Skabeloni-mik amingaateqaruit missingersuusiornissamut atugassaq uani aaneqarsinnaavoq: Skabeloni aajuk. 
Siornatigut sammisassaqartitsinernit misilittagaqarpisi illoqarfinni nunaqarfinnilu allani isumassarsiorfittut atorneqarsinnaasunik?
Taamaappat suliniutisi pitsaasut siammarterniarlugit Isumaginninnermut Aqutsisoqarfimmit tusarfigerusuppatsigit - Assersuutigalugu sammisassaqartitsinersi pillugu nutaarsiassaqarussi, assit allalluunniit pillugit naat sumik nassuiaatit uunga nassiutissavatit: tapi@nanoq.gl
