Suliniut 10-p angalanermini suliassaqarfiit akimorlugit suleqatigiinnernik pilersitsinissani aallutarisimavaa, matumani inunnik isumaginnittoqarfiit, ilaqutariinnut sullissiviit, atuarfinni ingerlatsiviit aammalu politiit suleqatigiinnerat pineqarluni. Suliniut 10-p Meeqqanik sullissisut angalasartut neqeroorutaat aamma suleriaasiata siammarternissaa sulissutigisimavaa, aammalu Tasiilami nunaqarfinnilu qaninnerni angalasartoqatigiinnit sunik pisariaqartitsisoqarnersoq paaserusussimallugu.
Inunnik isumaginnittoqarfik Meeqqanik sullissisut angalasartut pillugit quppersagaaqqanik aammalu innersuussinissamut immersugassanik tunineqarpoq. Peqatigalugu Tasiilami, Isortumi, Kulusummi, Kuummiuni, Sermiligaami Tiilerilaamilu Tusaannga aamma Alliaq pillugit quppersagaaqqanik agguaassisoqarpoq.
Angalaneq iluatsilluartutut nalilerneqarpoq, Suliniut 10-p Tasiilami kommuni suleqatiginissaanut qilanaaraa.
Meeqqanik sullissisut angalasartut pillugit uani sukumiinerusumik atuarit: Meeqqanik sullissisut angalasartut - Suliniut 10
Alliaq pillugu uani sukumiinerusumik atuarit: Alliaq – inunnut nakuusertartunut neqeroorut (socialstyrelsen.gl)
Tusaannga pillugu uani sukumiinerusumik atuarit: Tusaannga (socialstyrelsen.gl)
Suliniut 10 pillugu apeqqutissaqaruit imaluunniit Meeqqanik sullissisut angalasartut suleqatigiumagukkit, immikkoortortami pisortaq Naja Lund Kielsen attaveqarfigisinnaavat, uunga: nalk@nanoq.gl
Meeqqanik inuusuttunillu sullissisut angalaqatigiit Tasiilami aallartisarnerat
Suliniut 10, kalaallit qallunaallu suleqatigiinnerannut attuumassutilik, piffissami 30. junip 9. julillu akornanni Meeqqanik sullissisut angalasartut aallartisarniarlugit Tasiilamiissimavoq. Suliniut 10 aamma nunaqarfinnut qanittunut Isortumut, Kulusummut, Kuummiunut, Sermiligaamut aamma Tiilerilaamut aqqusaartuivoq.
11. august 2021
