Kalaallit qallunaallu susassaqarfiit akornanni suleqatigiinneranit siunertarineqarpoq meeqqat inuusuttullu atugarliortut pitsaanerusumik suliniuteqalerfiginissaat ujartussallugu, kommunillu Isumaginninnermut Aqutsisoqarfik peqatigalugu isumaginninnermut tunngasut pitsaanersumik suliarineqartalernissaat anguniassallugu. Tamannalu tunngavingalugu kommunit ingerlatsiviinni meeqqanut inuusuttunullu suliat amerlassusaat paasilluarsinnaajumallugit, suliat allattorsimaffiannik suliaqarnissaq isumaqatigiissutigineqarpoq. Tamatuma saniatigut Isumaginninnermut Aqutsisoqarfiup kommunillu akornanni qaninnerusumik suleqatigiittoqalissaaq suliat ilungersunartut suliaritillugit nalorninartunik apeqqutissaqartoqartillugu unammilligassaqartillugulu attaveqaqatigiissinnaanernik pitsaanerulersitsisussamik.
Meeqqanut inuusuttunullu tunngassutilinnik suliat ataqatigiissillugit aaqqissuunneqarnissaannut Sullissisunut siunnersuisarfiup Kommune Qeqertalik suleqatigaa
Isumaginninnermut Aqutsisoqarfiup sullissisunut siunnersuisartui juni aamma juli 2021-mi suliaminnut atatillugu Kommune Qeqertalimmi angalapput, Qasigiannguani, Kangaatsiami, aammattaaq Qeqertarsuarmi meeqqanut inuusuttunullu sullissisartut suleqatigalungit suliat ataqatigiissaarlungit aaqqissuunneqarnissaannut suliaqariartorlutik.
31. august 2021
