Ilitsersuut
Inuit innarluutillit taperserneqartarnissaannut ilitsersuut atorlugu sullissisup suliamik suliarinninnermini sunik eqqumaffiginninnissaanik itinerusumik paasiniaaniarluni misissorsinnaavaa.
Ilitsersuut isumaginninnikkut sullissisunut, sulisunullu allanut ulluinnarni inuit innarluutilit pillugit malittarisassanik ilisimasaqartariaqartunut quppersakkatut aqqutissiuussisutullu atugassiaavoq.
Ilitsersuut inatsisinut inunnut innarluutilinnut tunngasunut atuuttunut taarsiutaanngilaq. Ilitsersuut inatsisinut atuuttunut paasinninnissamut tapertaavoq.
Ilanngussat
Ilanngussani suliamik ingerlatsinermi eqqaamasassanut nalunaarsuiffiit, qulaajaanermi malitassat allallu assigisaat skemat nassaarisinnaavatit sullissisup sulinermini atorsinnaasai.Najoqqutassiaq
Najoqqutassiaq quppersakkatut atorneqartassasoq siunertaavoq. Tunngaviusumik oqariartaatsit malittarisassallu ilisimaneqarnissaannut taanna atorlugu tunngaviliisoqarsinnaavoq, taakkuami aqqutigalugit immikkut ittumik inunnik innarluutilinnik sullissinermi maluginiagassat paasineqarsinnaammata.Najoqqutassiaq ujarlerfissatut eqqarsaataavoq ujarlerfissaq pitsaanerulersiniarlugu illit suleqatitillu ingerlaavartumik immikkoortunik sammisanillu ilanngussiffigisinnaallusiuk. Eqqarsaat tassaavoq innarluutillit pillugit suliassanik isumaginninnerni sianigisassatit taaguutit malittarisassallu pillugit tunngaviusumik tassani ilisimasaqalersinnaasutit. Suliani ataasiakkaani tamatigut inuttut nammineq naliliisassaatit, kisianni pingaarutilinni ingerlatsinermi inatsisini malittarisassat taaguutillu pillugit tunngaviusumik ilisimaqaruit suliassanik isumaginninnerit pitsaanerulersinnaassaaq iluatsitaarillaqqinnerulerlutillu.
Inuit innarluutillit pillugit ilitsersuut aamma inuit innarluutillit pillugit najoqqutassiaq Isumaginninnermut Aqutsisoqarfiup nittartagaani, www.socialstyrelsen.gl, nassaarineqarsinnaanngussapput.