-Isumasioqatigiinneq assut pisariaqartinneqarpoq - assut pitsaavoq. Kommunimiit kommunimut qanoq assigiinngitsumik ingerlatseriaaseqarnersut tusarlugu assut nuannerpoq. Aamma sulisut assigiinngitsut suuneri aamma ilaqutariit illuisa assigiinngitsut qanoq katitigaaneri tusarnaarlugit pissanganarput.
Kommuninnit misilittakkakka tunniussussallugit akuerineqarpunga. Sisimiuni pitsaasunik misilittagaqarpugut, Ane-Sofie B. Skifte, Qeqqata Kommuniani meeqqerisoq taama oqarpoq.
Peqaasut suliffeqarfiit assigiinngitsut qanoq suleqatigiinnerisa nukittorsarneqarnissaat eqqartorpaat, taamaalilluni sullissineq assigiissaarneqarsinnaalissaaq eqaannerulerlunilu. Taassuma saniatigut Kalaallit Nunaanni Siusissukkut Iliuuseqartartuni suliffeqarfiit assiigiinngitsut suleqatigiinnerisa pitsaanerusumik iliusilersorneqarnissaat anguniarlugu suleriutsip mappia qanoq ilusilersorneqarsinnaanersoq eqqartortinniarnera siunertaavoq.
Ilulissani 20.septemberimiit - 22. September 2022-mut isumasioqatigiisitsisoqarpoq aamma illoqarfinnit tamangajannit peqataasoqarpoq, Qaanaamit aamma Sisimiunit silap ajornera peqqutaalluni tikinngitsoortoqarluni. Taamaattorli Teams atorlugu peqataanissaq aamma periarfissaavoq.
Siusinnaartumik iliuuseqartartut isumasioqatigiissitsipput Pitsaaqaaq
Suli Atualinngitsunik sulissisut Siusinnaartumik Iliuuseqartartut ilaqutariinnik naartusortalinnik isumasioqatigiisitsipput - kommunimi peqqissaavinnilu sulisut, Siusinaartumik Iliuuseqartartut ulluinnarni sulisui peqataasoralugit.
13. oktober 2022
