Sullissisunut siunnersuisarfiup kommunini tamani ilaqutariit paarsisartut qarasaasiaq atorlugu saqqummiiviginiarlugit peqataasinnaanerannut neqeroorummik nassippai.
Tamanna iluatsilluarpoq aamma aaqqissuussami peqataasut taama amerlatigineri aamma soqutiginnitsigineri takullugu assut nuannerpoq, taama oqarpoq Isumaginninnermut Aqutsisoqarfimmi Sullissisunut siunnersuisarfimmi ilaqutariinnik siunnersuisartunut siunnersorti Mia Nielsen.
Nunami maani kommunit tamarmik 40-50-inik peqataatitaqarput. Taassuma takutippaa kommunit neqeroorummik ingerlatitseqillutik agguaasimanerannik taamaalillutillu ilaqutariinnik paarsisartunik tapersersuinerinik. Ilaqutariit paarsisartut namminneq angerlarsimaffimminnit peqataanissaminnut periarfissaqanngitsut kommuninit aaqqissuussivigineqarlutik qarasaasiaq atorlugu saqqummiinermi peqataatinneqarneri allaat aamma iluatsippoq.
Teknikkikkut atortorissaarutit ajornartorsiutaalaarput, tamatuma kingunerisaanik kommunit ataasiakkaat aamma ilaqutariit paarsisartut qarasaasiaq atorlugu peqataanissaminnut iluatitsinngitsoorput.
Ilaqutariit paarsisartut aamma sulisut ilaqutariinnik paarsisartunik sullissisartut qarasaasiaq atorlugu aalajangersimasumik qulequtaqartinneqartarnerini ilisimasaqalernissaat siunertaavoq. Nipangiussisimasussaatitaaneq aamma inuit attaveqaqatigiittarfiini killit saqqummiussisunit qulequtaritinneqarput. Inuit ataasiakkaat killinginik qaangiineq qanoq kinguneqartitsivigineqarsinnaanersoq saqqummiinermi ilanngunneqarpoq. Qulequttap taassuma siunertaa tassaavoq inuit inatsisinik illersorneqarnerinik ilisimasaqalersitsinissaq.
Ilaqutariittut paarsisartutut qulequtaq "sulinertut" isigineqarpoq aamma taassuma piumasaqaatitarivaa nipangiussisimasussaatitaanissaq. Suleqatigiinneq eqqarsaatigalugu, soorlu kommunimik suleqateqarneq, tamanna nipangiussisimasussaatitaanermut qanoq attuumassuteqarnersoq aamma eqqartorneqarpoq.
Ilaqutariit paarsisartut qulequttanik assigiinngitsunik aaqqissuussivigineqartarnissaat pilersaarutaavoq. Qulequttap tullia sammineqartussaq tassaavoq ”inuusuttuaqqamut sinaakkusiisarneq aamma ineriartorneq”.
"Inuusuttuaqqamut sinaakkusiisarneq aamma ineriartorneq" ulloq 2.marts 2023 sammineqassaaq. Neqeroorut kommuninut qarasaasiaq atorlugu peqataanissamut linki iserfissaq ilanngullugu nassiunneqassaaq aamma aaqqissuussaq kalaallisut danskisullu oqaasilit peqataanissaannut periarfissaqartitsissaaq.
Ilaqutariinnik paarsisartut aamma ilaqutariinnik paarsisartunut siunnersortit qarasaasiaq atorlugu iluatsilluartumik saqqummiivigineqarput
Isumaginninnermut Aqutsisoqarfimmi ilaqutariit paarsisartut aamma siunissami ilaqutariit paarsisartunngorumaartussat siullermeerluni qarasaasiaq atorlugu ulloq 2.februar 2023-imi saqqummiivigai, makkua qulequtaralugit ”Nipangiussimasussaatitaaneq aamma Inuit attaveqatigiittarfii".
24. februar 2023
