Ukiumut nalunaarusiaq Alliaq – 2022

2022-imi innersuussisarnerit amerlassusaasa qaffariarnerat takuarput, kisitsisit 79-imiit 119-imut qaffariarmata. Tamatumani isumaqarpoq qanigisariinni nakuusertoqartarnera unitsinniarlugu ikiortissarsiortartut amerlisimasut - ikiortissarsiortut amerlineri tassaavoq ineriartorneq pitsassuaq, tamatumanissaaq nakuusertoqartarnerata eqqartugassaanngitsutut isiginneriaaseqartoqartarnera paquminarunnaarsarneqarmat.

September 2022-imi nuna tamakkerlugu suliani suliaqartartut, nakuusertoqartarnermut attuumassuteqartunik suliaqarfinneersut imaluunniit Alliap sullinniagaanut ilaasut, isumasioqatigiissinneqarput. Isumasioqatigiissitsineq Nuummi ingerlanneqarpoq. Alternativ til Vold i Norge-meersunit, tarnip pissusaanik ilisimasallit immikkut ilinniarsimasut, isumasioqatigiissitsineq ingerlappaat. Tassaapput inuit kommuninit arlalinneersut, politiineersut, Allorfimmeersut, Pinerluttunik Isumaginnittoqarfimmeersut allallu arlallit peqataasut, ilaatigut Alliap katsorsaasui namminneq peqataasimallutik.

Ilutinganik Alliamut inunnullu qanigisariinni nakuusertoqartarneranik ajornartorsiuteqartunut tunngasunik quppersakkanik, attaveqarnissamut paasissutissanik paasititsiniaanermullu atortunik nutaat ineriartortitsisoqarnikuuvoq.

Alliaq neriuppoq 2022-imiit ineriartorneq suli ingerlassasoq - suliniutinut nutaanut tunngatillugu aammattaaq suli amerlanernik ikiuinissamut tunngatillugu.
Nakuusertarneq ajornartorsiutinut aaqqiissutaanngilaq. Nakuusertarneq ajornartorsiutinik pilersitsisarpoq.

Alliaq pillugu annertunerusumik paasisaqarusuppit imaluunniit katsorsarneqarnikkut ingerlatsivineqarnissamut innersuunneqarusuppit, taava oqarasuaat 34 50 40 sianerfigalugu Alliaq attavigisinnaavat. Oqarasuaat ullut tamaasa ammasarpoq, akunnerup naanera ilanngullugu, nal. 9.00-imiit 21.00 tungaanut.