- Nuanneq. Sumiiffinnit assigiinngitsuneersunik peqataasoqarpoq aamma peqataasut tamarmik oqaaseqarsinnaatitaaneri atorlugu oqallilluarnissaq inissaqartinneqarpoq. Aamma pitsaasumik utertitsisoqartarpoq uagullu suliatsinnut sanilliullugu ilissi (Isumaginninnermut Aqutsisoqarfiup suliaasa) tamanna uppernarsisippaa. Nuan, sanileralugu ilitsersuussinermi peqaasoq taama oqarpoq.
Kommuneqarfik Sermersooq, Qeqqata Kommunia aamma Kommune Qeqertalik ulluni pingasuni misilittakkanik avitseqatigiinnermi aamma MANU-mik suliaqartartut ataqatigiissaarneqarnerinik ilitsersuussinermi peqataatitaqarput. Meeqqat ineriartornerannut immikkoortortaqarfiup kommuninut tamanut sanileralugu ilitsersuussinissamik neqeroorut nassiunnikuuvaa.
Peqataasut namminneq najukkaminni MANU aallavigalugu sulinerminnit misilittakkatik, iluaqutigisatik unammillernartuutitillu pillugit avitseqatigiissutigissallugit periarfissaqartinneqarput. Peqataasut naliliinerisa takutippaat peqataasut naapisinnaanertik aamma misilittakkaminnik ilisimasaminnillu eqqartuisinnaanertik nuannaarutigisimagaat. Peqataasut namminneq suleriaasertik aamma MANU aallaavigalugu sulinerminni ulluinnarni qanoq atuisarnertik saqqummiuppaat. Peqataasut namminneq suleriaasertik pillugu misilittakkanik avitseqateqarnertik pillugu naliliinerannit oqaaseqaatit ilamininngui ataani issuarneqarput:
- Nuanneq, MANU-mik suliaqarnitsinni misigisamasagut pillugit immitsinnut isumasioqatigiissinnaavugut.
- Sunik suliaqartarneri tusarnaarlugit assut pissarsinarpoq. Allat suliaasa isumassarsiarpassuarnik pissarsitippaannga.
Sanileralugu ilitsersuussinerup nalilersuiffigineqarnera naapertorlugu peqataasut MANU aallaavigalugu ulluinnarni sulinerminnut tamakkiisumik tapertarisinnaavaat.
MANU+
MANU-mik suliaqartoqatigiit MANU+-imi atortussamaatitik sammillugit aamma isumasioqatigiisitsipput, taanna ilaqutariinnut sanngiitsunut sammisuuvoq. Peqataasut atortut erseqqissaavigaat, isumassarsianik tunniussuipput, kissaatinik pisariaqartitanillu oqaasertalersuipput. Naliliinermi MANU+-p suleriaaseqalernissaanut peqataatitaanertik assut pingaartippaat. Immikkoortunit pingaarnernit pingasuusunit ataaseq peqataasut nalilersuinerminni erseqqissaavigaat, tassalu "allanngueqataanermi peqataasutut misigititaaneq aamma MANU+-p suliarineqarnerani peqataatitaaneq”.
- Uagut, MANU-mik suliaqartartoqatigiit, peqataasut soqutiginninnerat nuannaarutigaarput. MANU-p atortuinik oqallinnermi aamma eqqartuinermi peqataallaqqipput. Isumassarsivugut aamma isummanik immerneqarpugut, taakkualu suliareqqissavavut siunissamilu atorlugit, taama oqarpoq Kulunnguaq Larsen.
