Piginaanngorsaalluni uannga pikkorissaaneq Tasiilami sapaatip akunnera 38-imi aamma Qaqortumi sapaatip akunnera 41-mi ingerlanneqassaaq.
Pikkorissaarnermi siunertaavoq ilaqutariit paarsisartut meeqqat inuusuttullu kinguaassiuutimikkut kanngutsaattuliorfigitinnermi kingorna kingunerlutitsisarnerinik ilisimasaat paasinninnerallu nukittorsarneqassasoq. Matumani pikkorissaanermi ilaqutariit paarsisartut meeqqanik inuusuttunillu kinguaassiuutimikkut kanngutsaattuliorfigitissimasunik kiisalu meeqqat inuusuttullu kinguaassiuutimikkut kanngutsaattuliorsinnaanerannik pasitsaassat qanoq tapersersuisinnaaneri ilanngullugit pikkorissarneqarput.
Pikkorissaaneq ilaatigut makkunannga imaqarpoq:
- Meeqqanik inuusuttunillu kinguaassiuutimikkut kanngutsaattuliorfigitissimasunik isumassuineq tapersersuinerlu, meeqqap immikkut ittumik inississimaffianik aamma meeqqap ineriartornermini akornutaaratarsinnaasunik paasinninnerit ilanngullugit pikkorissaasoqarpoq.
- Meeqqanik inuusuttunillu kinguaassiutikkut kanngutsaatsuliorsimasunik imaluunniit kanngutsaatsuliorsinnaanerannik pasitsaassisoqarsimatillugu meeqqamut inuusuttumullu isumassuineq tapersersuinerlu, matumani meeqqap immikkut ittumik inissisimaffia aamma meeqqap ineriartornermini arlaatigut akornuteqarsinnaaneranik paasinninneq ilanngullugit pikkorissaatigineqarput.
- Meeqqamut paarisamut attaveqarnerup nukittorsarnera, qanilaarneq asannittumik misigissuseqarneq, attassiuarneq aamma meeqqap immikkut ittumik inissisimaffianik pisariaqartitaanillu ataqqinninneq.
- Meeqqanik inuusuttunillu oqaloqateqartarnerit pillugu ilinniartitsinerit, assersuutigalugu killiineq pillugu meeqqat inuusuttullu ineriartorsinnaanissaanut, ilisarinnissinnaanissaannut, paasinninniassaannut aammalu killiliisinnaanissaannut oqaloqatiginnissamut sakkussanik ilaqutariit paarsisartut tunineqarput. Tamatumani aammattaq inuit allat killigititaannik meeqqat inuusuttullu takunnissinnaanissaannut ataqqinnissinnaanissaannullu oqaloqateqarnissamik ilinniartinneqarput.
- Meeqqat inuusuttullu inissinneqarsimasut angajoqqaavinik suleqateqarneq, matumani meeqqap/ inuusuttup angajoqqaavisalu imminnut attaveqaqatigiittarnerannik ataqqinninneq aamma tapersersuineq.
- Ilaqutariit paarsisartut sulisunik allanik meeraq pillugu suleqateqarneri, kommunimi oqartussat aamma ilanngullugit.
- Ilaqutariit paarsisartut assigiinngitsut ataatsimut attaveqatigiittarnerinik isumasioqatigiinneq aqqutigalugu nukittorsaaneq.
Paasissutissat sukumiinerusut pillugit attavigineqassaaq:
Stina Sværd, Sullissisunik immikkoortortaqarfimmi immikkoortortamut aqutsisoq
Maili: stin@nanoq.gl