Nuummi oktober 2023-p aallartinnerani isumasioqatigiisitsisoqarpoq aamma sinerissamit illoqarfinnit tamangajannit peqataasoqarpoq.
Pilersaarut Ilulissani ukioq kingulleq 2022-imi septemberip qaammataani isumasioqatigiisitsisoqarmat utertitsilluni eqikkaanermit ilusilersorneqarpoq. kissaatigineqartut anguneqarnersut uuttorneqarsinnaassallutik.
Taassuma saniatigut Kalaallit Nunaanni meeqqat inuusuttullu inuuniarnermikkut artorsaateqartut sullinneqarnerisa nukittorsarneqarnissaannik kalaallit danskillu suliaqarfiisa assigiinngitsut suleqatigiinnerannit suliniutit aallaaveqartut massakkut killiffiinnik peqataasut paasitinniarlugit pilersaarut ilusilersorneqarpoq.
Peqataasut suliaqarfiit assigiinngitsut suleqatigiinnerisa qanoq nukittorsarneqarsinnaanerannik aamma najukkami isumalluutit qanoq pitsaanerpaamik atorneqarsinnaanerinik eqqartuinissaminut aamma periarfissinneqarput. Taakkua saniatigut peqataasut Kalaallit Nunaanni Siusissukkut Iliuuseqartartoqatigiinni suliaqarfiit assigiinngitsut suleqatigiinnerinik pitsanngorsaanermi Siusissukkut Iliuuseqartarnermut najoqqutassialiornermut isumassarsiaminnik ilanngussinissaminnut kajumissaarneqarput. Siusissukkut Iliuuseqartarnermut najoqqutassamut sulisut isumassarsiaannik naleqarluartunik toqqaannartumik katersuinermut atuutilersitsinissamullu tamanna aalajangiisuulluinnartumik pingaaruteqarpoq, taamaalillunimi najoqqutassiaq sapinngisamik eqaannerpaamik atorneqarsinnaalissaaq.
Meeqqat ineriartornerannut immikkoortortaqarfiup peqataasut tamarmiullutik soqutiginninnerujussuannut ullunilu isumasioqatigiiffiusuni suliat aallaavigalugit eqqartuisarnerinut qujaffigai.
Siusissukkut Suliniuteqartartut isumasioqatigiissinneqarnerat
Meeqqat ineriartornerannut immikkoortortaqarfik ilaqutariit naartusortallit Siusissukkut iliuuseqarfigineqartarneri pillugit isumasioqatigiisitseqqammerpoq. Isumasioqatigiisitsineq taanna kommunini peqqinnissaqarfimmilu sulisunut ulluinnarni Siusissukkut Iliuuseqarnermik suliaqartartunut, sammitinneqarpoq.
23. oktober 2023
