airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Kalaallit nunaanni meeqqat inuusuttullu tapersersornerujumallugit Tusaanngap Børns Vilkår qallunaat nunaanneersoq suleqatigaa.

Kallaallit Nunaanni kisiartaalluni oqarasuaatikkut siunnersuisarfiup Tusaanngap Qallunaat Nunaanni suliniaqatigiiffik Børns Vilkår suleqatigilerpaa, Kalaallit Nunaanni meeqqat inuusuttullu suli amerlanerit annerusumik siunnersorneqarsinnaanerat anguniarlugu. Apeqqutit ajornartorsiutilluunniit minnerunatillu annerunnginnerat apeqqutaatinnagu.
19. marts 2024

Tusaanngamit maluginiarneqarpoq meeqqat inuusuttullu annertuumik oqimaatsunillu ajornartorsiutillit ikornissaanik tapersersornissaanillu suleqatissanik naammattuliulluni. Qallunaat soqutigisaqaqatigiit kattuffiat Børns Vilkårip suleqatigiinnermi nutaami Tusaanngap Kalaallit Nunaanni meeqqa inuusuttullu tamaasa siunnersorneqarsinnaanerat oqariartuutigalugu siammarusuppaa. Tusaanngamut saaffiginninnikkut apeqquserneqartariaqanngilaq eqqarsaatit ajornartorsiutilluunniit annikippallaarneri annertuallaarneriluunniit.

“Tusaanngap sivitsortumik kissaatigisarsimavaa meeqqanut inuusuttunullu sullissineq pitsaanerulersikkusullugu. Tamannalu Børns Vilkår suleqatigilerneratigut piviusunngoraluttuarpoq. Suliniut siulleq neriuutigisarput annertunerulerumaartorlu tassaavoq, Tusaanngap digitaliusumik siunnersuiffimmik quppersagaqalernissaa, tamanna annertuumik kinaassutsimik isertuussiffiuvoq, meeqqat inuusuttullu sumiiffiini soorlu: nittartakkatigut ikiorserneqarsinnaanerup tikikkuminartuunissaa, neqeroorullu ajornanngilluinnartoq Kalaallit Nunaanni piginngilarput” Tina Evaldsen oqarpoq. 

Ukiuni 40-ngulersuni Qallunaat Nunaanni Børns Vilkårip meeqqat oqaraluaataat “BørneTelefonen” ingerlatarisimavaa, tassani meeqqat inuusuttullu oqaloqatigineqartarsimapput persuttaaneq, atornerluineq, sumiginnagaaneq, asannilerneq, ikinngutigiinnerlu pillugit. Suleqatigiinnerup nutaajusup qiteraa ukiorpassuarni misilittagaqarfigineqareersup ataatsimut siunnerfeqarluni inerisarneqarnissa siammarterneqarnissaalu anguniassallugit, soorluttaaq Tusaanngap neqeroorutai pioreersut siammasinnerusumik ajornartorsiutinut assingusunut meeqqat inuusuttullu tikkinerunissaat anguniaraa.

“Børns Vilkårimit nuannaarutigaarput inuunerup ajornarluinnarfiani meeqqat inuusuttullu ajornartorsiutaannik oqilisaassinikkut suliatinnik paasisimasatsinnillu tapersiisinnaagatta. Qujarusuppugullu Qallunaat aningaasaateqarfiinut suliniuterput tapersermassuk” Børns Vilkårimi pisortamut tullersorti Steffen Raun Fjordside oqarpoq.

 

Kalaallisut siunnersuineq

Tusaannga Kalaallit Nunaanni kisiartaalluni oqarasuaatikkut meeqqanut inuusuttunullu siunnersuiffittut neqeroorutaavoq. Børns Vilkårilu suleqatigineratigut periarfissat neqeroorutaasut siammasinnerusumik internetsip nittartagaatigut tikikkuminartuutikkusuppai. Oqarasuaatikkut internetsikkullu kiffartuussineq sapaatip akunnerisa ullui tamaasa ulloq unnuarlu atuuttuuvoq. Tamtuminngalu aamma allakkatigut apeqquteqartarfik “Ikioqatigiitta” pilersinneqassaaq, meeqqat meeraqatiminnut siunnersuisinnaanerat ammaanneqassammat.

“Kalaallit Nunaanni meeqqat inuusuttullu ajornartorsiortut ajornanngitsumik aperalutik ikioqqullutillu saaffiginninnissaminnut neqeroorfigineqarneq ajorput. Taamaattumik Tusaanngap pitsannguiffigerusupparput, neqeroorullu Kalaallit piorsarsimassusaannut, kinaassusaannut oqaasiinullu tulluartuuvoq. Meeqqat inuusuttullu naapinneqarlutik tikilluaqquneqarlutillu saaffigisinnaasaat pilersinneqarpoq”, Tina Evaldsen taamak oqarpoq.

Tusaanngap annertunerulersinnerata saniatigut Børns Vilkårip suleqateqatiginera Kalaallit Nunaanni meeqqat inuusuttullu tarnimikkut atugarliuuteqarnerisa minnerulersinnissaat assigiinngitsutigut ingerlatsinikkut annikillisarneqassaaq, taakkulu piffissap ingerlanerani pisariaqartitsineq tunngavigalugu ineriartortinneqassapput.