Angalaneq Isumaginninnermut Aqutsisoqarfiup Kommuneqarfik Sermersuullu qanimut suleqatigiinneranni piviusunngortinneqarsimavoq, angalanerullu siunertarivaa Siusissukkut Suliniuteqartartut inuiaqatigiinni nukittorsarneqarnissaa kiisalu MANU-p annertuumik sulinermi sakkussai illoqarfinni inulerinermik suliaqartunut saqqummiunneqarnissaa.
Tikeraarnermi Siusissukkut Suliniuteqartartut-ni suleqatigiit ulluni marlussunni katerisimaarput, tassani Siusissukkut Suliniuteqartartunut Najoqqutassiaq nutaaq ilaqutariinni naartusortalinni kiisalu ilaqutariit marluk ataallugit ukiulinnik meeraqarfiusuni unammillernartumik inissisimasumiittut pillugit saqqummiunneqarpoq.
Najoqqutassiaq saqqummiunneqarpoq
Peqataasut inulerinermik assigiinngissitaartunik suliaqartunit peqataaffigineqarpoq, soorlu ilaqutariinnut siunnersuisartunit, inuusuttunik siunnersuisartunit, isumaginninnermik suliaqartunit, peqqissaavinni sulisunit kiisalu ullukkut paaqqinnittarfinniit peqataaffigineqarpoq. Ullut taakku saqqummiinernik, oqallinnernik kiisalu Siusissukkut Suliniuteqartarneq inatsisitigut tunngasunik maleruaqqusat, suliat akimorlugit suleqatigiinneq kiisalu pinaveersaartitsinermut tunngasunik suliniutit pillugit qitiutillugit suleqatigiittoqarluni.
Manu siusissukkut suliniuteqarnermi pingaaruteqarpoq
MANU-mi suleqatigiit Siusissukkut Suliniuteqartartut-niit ulloqartitsineqarmat pingaarutilimmik inissisimavoq, MANU-p tungaaniit Siusissukkut Suliniuteqartartut qanoq iliornikkut tapersiisinnaaneq pillugit nassuiaateqarfigineqarmat. Taassuma saniatigut Paamiuni ulluinnarni meeraaqqerivinni sulisut tamarmik immikkut ittumik qaaqquneqarput, tassani MANU-p qanoq iliornikkut sulinerminni atuutilersinneqarnissaa pillugu ilitsersorneqarmata. Peqataasut aamma periarfissaqarsimapput MANU-p ulluinnarni sulinerminni sakkussatut sungiusaatigalugu atornissaanik.
Peqataasut tamatuma kingorna uteqqiinermi misigisatik saqqummiuppaat, tassani Siusissukkut Suliniuteqartartut-ni peqataanerminni paasisimasatik saqqummiummatigit, matumani siunertatik kiisalu peqataaqatitik pillugit:
”Maanna Siusissukkut Suliniuteqartartut ataatsimiititsinerit qanoq ingerlanneqartartut ilisimasaqalerpunga, matumani sunik imaqarneri kikkullu peqataasarnersut” - Peqqissaasoq
Aamma erseqqissatigivaat tupaallaatigisaminnik MANU-p ulluinnarni sulinerminni qanoq atorneqarsinnaaneranik misigisaqarsimallutik:
”MANU pillugu annertunerusumik ilisimasaqalerpunga aamma ulluinnarni qanoq atorneqarsinnaanersoq” - Ilaqutariinni siunnersorti
Nukittorsaanertigut MANU-p kiisalu Siusissukkut Suliniuteqartartut peqataasinnerisigut Paamiuni sumiginnaasarnerup pinaveersaartinneqarnissaanik suliniutaasunut nukittorsaaqataavoq.
Peqataasut tamarmik qutsavigerusuppagut matumani aaqqissuussinermi, Paamiuni Siusissukkut Suliniuteqartartut suliaminni pingaaruteqaqisumi peqataalluarnermikkut nukittorsarneqarmat. Ataatsimoorluta inuiaqatigiinni pitsaasumik allannguissaagut illoqarfigisarpullu tapersersorlugu.
