airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Siusissukkut Iliuuseqartartut MANU-lu: Avannaani sullissisunik suleqateqarneq nukittorsarneqarpoq

Siusissukkut iliuuseqarneq aamma MANU suliassaqarfinnik assigiinngitsunik suleqateqarnerminik nukittorsaavoq, Avannaanilu inunnik sullissinermik suliaqartut MANU-mik atuinissaannut ikorfartuilluni.
5. juli 2024

Siusissukkut Iliuuseqartartoqatigiit aamma MANU juunimi sulinerminnut atatillugu angalaqatigiissimapput Ilulissanut, Qeqertarsuarmut Upernavimullu.

Ulluunerani neqeroorutini Ilaqutariit Illuinilu inunnik sulisut MANU-p atortussiaaanik najugaqarfinnut naleqqussakkanik qanoq atuinissaannik ikorfartuinissaq angalanermi siunertaasimavoq.

Illoqarfinni tikinneqartuni siusissumik iliuuseqartarnermik pilersitsinissaq nukittorsaanissarlu aamma siunertaavoq.

Isumaginninnermik ilinniagaqarsimasut akornanni tutsuiginartumik suleqatigiittoqarnissaa siunertaavoq, taamaaliornikkut ilaqutariikkaangortussanik ikiuisarneq siunnersuisarnerlu aammalu meeqqap ulluni siullerni 1000- ini ikorfartorneqarnissaa qulakkeerneqarsinnaaniassammata.

Siusissukkut iliiuseqartortaqatigiit aamma MANU-mi siunnersuisartut ilaatigut PI/SPS Ilulissani pulaarpaat, suliatillu ilinniartunut saqqummiullugit.
Angalareernerup kingorna peqataasut naliliipput MANU-p atortussiai ilisimasaqarneqarulersimasut, sulinerlu oqinnerulerlunilu sulinermik aallussilluarnissamut sapiissuseqalersitsisimaasoq.

Isumaginninnermi Aqutsisoqarfimmi Siusissumik iliuuseqartartoqatigiit sulinerminnik ersarinnerulersitsimanerat, suliassaqarfiillu akimorlugit suleqatigiinnermik pitsaanerusumik pilersitsinissamut periarfissaleqalernera erseqqissaatigineqarput.

Pitsaasut ilaat tusakkat tassaapput:

• Isumaginninnermi suleqataasoq: ”Massakkut eqqissisimanerulernikuuvunga aamma ajunginnerusumik siunissaq isiginerulerlugu. MANU pitsaasunik atortussiaateqarpoq, taakku angajoqqaanut, sulisununut minnerunngitsumillu meeqqanut iluaqutaassapput.”

• Isumaginninnermi suleqataasoq: ”Ilisimasaqarnerulerpunga, tamannalu sulinermik aallussilluarnissamut sapiissuseqalersitsivoq.”

• Siusissukkut iliuuseqarnermik suliaqartartoq: "Eqimattat suliassatik suunersut pitsaanerusumik paasissaqarfigaat