Ulloq unnuarlu Inissitsiterinermullu Immikkoortortaqarfik Isumaginninnermut Aqutsisoqarfiup ataani inissisimasoq innersuussinerit ukununnga tunngasut isumagisarpai:
- Namminersorlutik Oqartussat ulloq unnuarlu neqeroorutaannut inissiinerit
- Kalaallit Nunaata avataanut inissiinerit
- Innuttaasup Namminersorlutik Oqartussat ulloq unnuarlu neqeroorutaannut inissinneqarsimasup inissinneqarnerata allanngortinnera
- Innuttaasut angerlarsimaffiup avataanut inissinneqartut efterskolernerat pillugit suliami paasissutissanik pitsaassutsikkut qulakkeerinninneq
Namminersorlutik Oqartussat Ulloq Unnuarlu neqeroorutaannut innersuussisarnerit:
Innuttaasoq Namminersorlutik Oqartussat ulloq unnuarlu neqeroorutaannut inissinneqassappat kommunit Ulloq Unnuarlu Inissitsiterinermullu Immikkoortortaqarfimmut innersuussineq pillugu nassiussissapput.
Allakkat nassiunneqartut tunngavigalugit Ulloq Unnuarlu Inissitsiterinermullu Immikkoortortaqarfiup nalilertarpaa, ulloq unnuarlu neqeroorut sorleq innuttaasumut naleqqunnerunersoq.
Innersuussinerit Isumaginninnermut Aqutsisoqarfiup pisortatigoortumik mailianut nassiunneqassapput: uupi@nanoq.gl
- Qulaajaaneq, piginnaasat allattorsimaffiat ilanngullugu
- Iliuusissatut pilersaarut. Iliuusissatut pilersaarut atsiorneqarsimassaaq aammalu illuatungip tusarniarneqarnerani akissut pissarsiarineqarsinnaasimassanngippat, tamanna allanneqassaaq
- Akuersissuteqarnermut allagaq/aalanangiinermut allagaq kommunip Isumaginninnermut Ataatsimiititaliaaneersoq. Pingaaruteqarpoq aalajangiinerup atsiornertaqarnissaa kiisalu inissiinissaq/inissiiviup allanngortinnissaanut aalajangiunneqarnerani tunngavilersuutit allassimanissaat aamma naammagittaalliornissamut ilitsersuutip ilanngunneqarsimanissaa pingaartuupput
- Nakorsap oqaaseqaataa innarluut pillugu
- Paasissutissat pingaarutillit soorlu oqaaseqaatit, nalunaarusiat
Ilitsersuut uani takusinnaavat: Ulloq unnuarlu paaqqinnittarfinnik innersuussisarnermut periuserineqartoq
Matuma ataani allaqqasut pillugit innersuussinermut tunngatillugu paasissutissanik pissarsiniaruit qinnuigineqarputit Ulloq Unnuarlu Inissitsiterinermullu Immikkoortortaqarfimmut saaffiginneqqullutit uunga: uupi@nanoq.gl
- Kalaallit Nunaata avataanut inissiinerit
- Innuttaasup Namminersorlutik Oqartussat ulloq unnuarlu paaqqinniffiutaannut inissinneqarsimasup inissinneqarnerata allanngortinnera
- Innuttaasut angerlarsimaffiup avataanut inissinneqartut efterskolernerat pillugit suliami paasissutissanik pitsaassutsikkut qulakkeerinninneq