airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Pissassarfik

Kommunini sullissisunut Pissassarfimmut pissassariarnissamik innersuussiniarluni ilitsersuut aamma immersugassat Pissassarfiup aamma Isumaginninnermik Aqutsisoqarfiup nittartagaani aaneqarsinnaalerput.

Innuttaasut innarluutillit Pissassarfimmut pissassariarniarlutik qinnuteqaraangata kommuni pissassariarnissamik Pissassarfimmut innersuussisarpoq.

Kommunini sullissisunut ilitsersuummi Pissassarfik aamma pissassarneq pillugu naatsumik paasissutissat kiisalu kommunip aamma Pissassarfiup suliassaqarfiisa nassuiarneri, sulianullu tunngatillugu suliassat qanoq suliarineqarnissaanik, immersuinissamullu ilitsersuutit atuarneqarsinnaapput.

Pissassarfiup pingaartippaa innuttaasoq, kommunimi sullissisoq aamma innuttaasumut attaveqaataasut suleqatigilluarnissai. Taamaattumik sullissisut qinnuigissavagut pissassarfimmut innersuussinermi Pissassarfiup mailianut uku ataatsikkut nassiunneqartassasut:

  • Innuttaasup sullissivimmi pissassariarniarluni qinnuteqarnermi immersugaa

  • Pissassariartitsiniarnermi innersuussinermut immersugassaq tamakkiisumik immersornikoq, kalaallisut qallunaatullu (immikkut kakkiullugit nassiunneqassapput)

  • Pissassariarnermi paasissutissanik piniarnissamut aamma/imaluunniit ingerlatitseqqinnissamut pisinnaatitsissut atsiorneqarsimasoq

  • Kommunip innuttaasoq pillugu iliuusissatut pilersaarusiaa, kalaallisut qallunaatullu allanneqarsimasoq (immikkut kakkiullugit nassiunneqassapput)- kommunip iliuusissatut pilersaarut suliarissavaa

  • Nakorsap oqaaseqaataa, innarluutip/nappaatip suussusaanik paasissutissartalik

  • Allat (peqarpat) innuttaasup piginnaasatigut qaffasissusaa aamma suliaqarnermi ajornartorsiutai pillugit peqqissutsimik suliaqartunit oqaaseqaat

Eqqumaffigisassat: Eqqortumik tamakkerlugit immersorneqarsimassapput aamma oqaatsit marluusut atorlugit allassimanissaat, tassa kalaallisut qallunaatullu. Ilitsersuummi atuarneqarsinnaavoq nassiussinermi mailimi qanoq immersukkat immikkoortillugit kakkiunneqassanersut, aamma mailimi qulequtsiussaasartumi allaffissamilu allaqqasussat aalajangersimasut ilitsersuummi qimerloorluaqquagut maleqqullugillu.

Taamaasilluni sullissineq eqaatsumik sukkanerusumillu ingerlasinnaaniassammat.

Allakkatigut itigartitsinermi Pissassarfimmit allagaq “Siunnersuineq” ilanngullugu innutaasumut nassiussassaq

Innuttaasumut pissassariarnissamik itigartitsisoqaraluartoq Pissassarfimmit siunnersuineq suli periarfissaavoq.

Taamaattumik allagaq “Siunnersuineq” aaneqassaaq, itigartitsinermut allakkap nassiunnerani kakkiullugu ilanngunneqassaaq.

Pissassarfimmiit neriuutigivarput una kommunini sullissisunut ilitsersuut sullissinermi iluaqutaalluarumaartoq.

Ilitsersuut PDF-filiusoq una toorlugu aajuk:

Pissassarfimmut pissassariarnissamik innersuussinermi kommunimi sullissisunut sullissineq pillugu ilitsersuut, aamma immersugassat immersornissaannut nassiunnissaannullu ilitsersuutit.

Immersugassat PDF-filiusut uku toorlugit aakkit:

Pissassariartitsiniarnermi innersuussinermut immersugassaq (kalaallisut)

Pissassariartitsiniarnermi innersuussinermi immersugassaq (qallunaatut)

Pissassariarnermi paasissutissanik piniarnissamut aamma/imaluunniit ingerlatitseqqinnissamut pisinnaatitsissut (kalaallisut)

Pissassariarnermi paasissutissanik piniarnissamut aamma/imaluunniit ingerlatitseqqinnissamut pisinnaatitsissut (qallunaatut)

Eqqaamajuk tamarmik kalaallisut qallunaatullu immersorneqarsimassammata.

Allakkatigut itigartitsinermi Pissassarfimmit allagaq “Siunnersuineq” ilanngullugu innutaasumut nassiussassaq PDF-iusoq aajuk:

Siunnersuineq