Ullumikkut meeqqat ulluinnaat aatsaat taama digitalinngorsagaatigilerpoq meeqqallu oqarasuaatini angallattakkani, fjernsyn imaluunniit tablet-inik atuinerulernerat, meeqqat nalerisimaarnerannut inuunerissusaannullu sunniuteqarsinnaavoq.
Taamaammat Isumaginninnermut Aqutsisoqarfiup Meeqqanik Inerisaanermut Immikkoortortaqarfiata nuna tamakkerlugu skærmimik atuineq pillugu Meeqqat Ulluanni innersuussutinik naleqqussakkanik saqqummiussisinnaneq tulluusimaarutaavoq.
Innersuussutini meeqqat inuunerannut digitalinngorsakkamut alapernaannissaq maluginiaqquneqarpoq, meeqqallu digitalinngorsakkamik inuuneranni ukiuinut inerikkiartornerannullu napertuuttunik toqqammavissiilluni.
Suliniutitsinnut atatillugu allagartarsuarnik/plakatinik ukunannga, angajoqqaat ulluuneranilu paaqqinniffiit skærmimik atuinerannik isumaliutiginninnissamut kaammaattuutaasussanik inerisaavugut.
Allagartarsuit/plakatit taakku nuna tamakkerlugu – ulluunerani neqeroorutinut ulluuneranilu angerlarsimaffimminni paarsisartunut agguaanneqassapput.
Innersuussutit, angajoqqaat ilinniagallillu sammisaq pillugu nukissanik ilitsersuutinillu aallerfigisinnaasaat, nittartakkatsinni aamma pissarsiassaassapput.
Pingaarnertut anguniagarput tassaavoq meeqqat atugarissaarnikkut nukittorsaavigineqarnissaat, ullutsinnimi annertuallaamik pissusissarinngisaanillu skærmimik atuinerup ineriartornikkut arlalitsigut inuunerissutsikkullu kingunerluutaasartut siusissukkut pitsaaliortuarnissaat qulakkeerumavaput.
Ullumikkut meeqqat akornanni skærmimik atuinermik ilisimaarinninnerulersitsinissamut angajoqqaanut ullunneranilu neqeroorutini sulisunut paasissutissiinikkut siunnersuinikkullu akisussaassueqartumik periuseqartitsinissaq neriuutigivarput.
Meeqqat tamaasa ullumi Meeqqat Ulluanni ullorsiorluarnissaannik ullugissaartuarnissaannillu kissaappagut.
Peqatigiilluta siunissamik digitaliusumik meeqqatsinnut peqqinnarnerusumik pilersitsisa.
Innersuussutit allaaserisap uuma ataani tuugassaq toorlugu annertunerusumik paasisaqarfigikkit: