Isumaginninnermut Aqutsisoqarfiup – ernumanassutsimut tunngatillugu uuttortaammik plakatilia, inunnik sullissisut aqutsisullu Isumaginnitttoqarfinni meeqqanut sulllissisuusunut ikiiuutissatut suliaavoq.
Plakatimi qalipaatit assigiinngitsut qanoq suleriuseqarnissamik pilertortumik paasinninnissamut atugassiaapput.
Qalipaatit suleriuseqarnissamilu periarfissat inunnik sullissisunut aqutsisuisalu iluaqutigissavaat, suliamut qanoq suleriaaseqarnissamut, qanorlu suliap ersarissarneqarnissaanut atugassiaammata.
Ernumanassutsimut tunngatillugu uuttortaat aammattaaq sulianik pingaarnersiunermi atorneqarsinnaavoq.
Ernumanassutsimut tunngatillugu plakatiliaq nalunaarummik tigusaqarnermi atorneqartartussatut suliaavoq, sulianilu ingerlareersuni aamma atorneqarsinnaalluni.
Suliamik ingerlatsinermi pisariaqalersinnaavoq nalilersueqqinnissaq, plakati meeqqap qanoq ernumagisariaqartigineranik nalilersuinermi atorneqarsinnaasutut aamma suliaavoq.
Oqartussat paasissutissanik nutaanik pingaarutilinnik pissarsinerannut atatillugu nalilersueqqinnissaat pisariaqalersinnaavoq.
Paasissutissat oqartussat meeqqamut pitsaanerpaamik iliuusissanik ingerlaavartumik naleqqussaajuartariaqalersillutik iluaqutigisinnaavaat.
Plakati atornissaanullu najoqqutassiaq nammineq aasinnaavasi anillatsillugillu.
Isumaginninnermut Aqutsisoqarfiup Ernumanassutsimut uuttuutaata plakatitaanut najoqqutassiaq pillugu aammalu ilitsersorneqarnissamik pisariaqartitsissagussi,
Sullissisunut Siunnersuisarfik attavigisinnaavarsi uunga: siunnersuisarfik@nanoq.gl imaluunniit mobilimut uunga sianerlusi: 22 46 64 (nal. 9.00-15.00 akornanni)
Inussiarnersumik inuulluaqqusilluta
Sullissisunut Siunnersuisarfimmi Immikkoortortaqarfik
Isumaginninnermut Aqutsisoqarfik
