airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Nalunaarut 1. oktober

Meeqqeriviit angerlarsimaffinnilu paarsisartut tamarmik ukiut tamaasa oktobarip aallaqqaataani nalunaarusiamik kommunip ingerlatsivianut nassiussisarput. Nalunaarusiaq pillugu matuma ataani paasisaqarnerugit.

Siunertaa 

Paasissutissanik tutsuiginartunik tunngavissaqarnerup ineriartortinneqarnissaa oktobarip aallaqqaataani nalunaarusiortarnermi siunertarineqarpoq. Nalunaarusiortarnerup kommunit aamma Namminersorlutik Oqartussat peqatigiillutik sinaakkutissanik pitsaasunik meeqqallu suli atualinngitsut aamma meeqqanut suli atualinngitsunut immikkoortortaqarfimmi sulisut atugaannik pitsaasunik aalajangiisarnissaat qulakkiissavaa.

Nalunaarutit Isumaginninnermut Aqutsisoqarfiup kommunillu meeqqat suli atualinngitsut pillugit ingerlatsivinnik nakkutiginnillutik sulinerannut sunniuteqarluassapput, meeqqanullu suli atualinngitsunut immikkoortortaqarfiup piujuartitsinermik tunngaveqarluni ineriartortinneqarneranut qulakkeerinneqataassapput.

Meeqqanut suli atualinngitsunut perorsaanikkut inerikkiartuutaasunik ulluunerani neqeroorutit pillugit Inatsisartut inatsisissaanni paasisaqarnerugit – §4, imm. 3

 

Paasissutissat qanoq ittut katersorneqassappat? 

Ulluunerani neqeroorutit pillugit paasissutissat katersorneqarsimasut makku ilagaat:
  • Aqutsineq - katiterneqarneq pisortatullu atorfiit
  • Meeqqat amerlassusiat - Ukioqqortussutsinut agguarneqarsimasut
  • Sulisut - ilinniagaqarneq, katiterneqarneq, agguarneqarneq aamma oqaatsitigut piginnaasaqarneq
  • Amerlassusilersuineq - sulisut agguarneqarnerat meeqqallu inini amerlassusissaat, amerlassusilersuinermik sulisunillu ataatsimut takusassiaq
Angerlarsimaffinni paaqqinnittarfiit pillugit paasissutissat katersorneqarsimasut makku ilagaat:
  • Angerlarsimaffinni paaqqinnittarfiit kommuninit namminersortunilluunniit ingerlanneqartut
  • Meeqqat amerlassusiat
  • Meeqqat oqaatsitigut piginnaasaat

 

Kina sunut akisussaasuua? 

  • Ulluunerani neqeroorutinik suliaqarnermi pisortaasut angerlarsimaffinnilu paaqqinnittarfiit oktobarip aallaqqaataani nalunaarusiap immersornissaanut akisussaasuupput.
  • Kommunimi ulluunerani neqeroorutinut ingerlatsivik oktobarip aallaqqaataani naalunaarutinik kommunip meeqqeriviineersunik angerlarsimaffinnilu paaqqinnittarfiineersunik katersuinissaminut taakkulu Isumaginninnermut Aqutsisoqarfimmut nassiunnissaannut akisussaasuuvoq. Aammattaaq paasissutissat katersorneqarsimasut eqqortuunersut qulakkiissallugu ingerlatsiviup akisussaaffigaa.
  • Isumaginninnermut Aqutsisoqarfiup paasissutissat katersiorneqarsimasut suliarissallugit Kalaallit Nunaannilu meeqqanut suli atualinngitsunut immikkoortortaqarfiup ineriartornera malinnaavigissallugu akisussaaffigaa. Paasissutissat katersorneqarsimasut aqutsisoqarfiup nunami namminermi meeqqanut suli atualinngitsunut immikkoortortaqarfiup ineriartortitseqqilluni sulinissaanut tunngavissaassapput.

Aallerfissaq

Sofiánnguak’ Magnussen

Suli atualinngitsuni inerisaanermut siunnersorti

(+299) 34 62 76

soma@nanoq.gl