Qimarnguiit

Qimarnguik pillugu paasissutissiissutit makkuninnga imaqarput: qimarnguik sunaana, qimarnguimmi innuttaasup najugaqarsinnaaneranut piumasaqaatit, qimarnguimmi najugaqarnermi suut aningaasartuutaasarnersut. Nuna tamakkerlugu qimarnguiit pillugit takussutissiaq.

Ilulissat

Qimarnguik Naneruaq

94 39 13 -- 54 63 60

naneruaq@gmail.com

Qeqertarsuaq

Illernit

92 19 19

illernit@nanoq.gl

Aasiaat

Saaffiginnittarfik Qarajaq

89 10 06 -- 89 47 70 -- 53 57 60 (Ulloq unnuarlu pigaartoq)

Kangaatsiaq

Qimarnguik Ukkaq

38 71 21 -- 38 73 00 (nal. 16 kingorna – Isumaginnittoqarfimmi pigaartoq)

Nuuk

Qimarnguik Nuuk

36 61 13 -- 55 46 47 (Ulloq unnuarlu pigaartoq)

Paamiut

Qimarnguik Paamiut

58 38 84

Narsaq

Qimarnguik Narsaq

Ataasinngorneq – tallimanngorneq nal. 08.00 - 16.00 akornanni attavigineqarsinnaavoq, oqar.: 38 15 18. Suliffiup avataatigut sap. ak. naanerini nalliuttunilu 16.00 - 08.00 socialvagtip mobilianut nr. 49 72 03

Qaqortoq

Qimarnguik Qaqortoq

Attavigineqarsinnaavoq ataasinngorneq – tallimanngorneq nal. 08.00 - 16.00 akornanni oqar.: 64 54 22, mobil nr. 56 56 17. Suliffiup avataatigut sap. ak. naanerini nalliuttunilu nal. 16.00 - 08.00 akornanni attavigineqassaaq Socialvagt mobil nr. 49 34 35.

Tasiilaq

Naaqqavi

56 01 54

Qimarnguik sunaana

Qimarnguik tassaavoq arnat angutilluunniit persuttagaasimasut, persuttarneqarnissaminnik siorasaartissimasut imaluunniit ilaqutariinni inooqatigiinnermiluunniit ajornartoortut najugarigallartagaat.

Qimarnguiit ilaasa angutit iseqquneq ajorpaat. Qimarnguiit ataasiakkaat attavigalugit iseqqusinnginnermut paasissutissaataat paasiniakkit (Linki ataaniittoq takussutissiaq atorlugu qanoq attaviginnissinnaanerlutit paasissavat).

Innuttaasup meeqqani qimarnguimmeeqatigisinnaavai.

Innuttaasoq qimarnguimmi siunnersortissinnaavoq aamma inissisimaffini aallaavigalugu qanoq iliorsinnaanerminik ilitsersuunneqarsinnaavoq.

Qimarnguimmiinnermi kinaassuseq isertuunneqarsinnaavoq.

Innuttaasoq qanoq sivisutigisumik qimarnguimmi najugaqarsinnaava

Innuttaasup qanoq sivisutigisumik qimarnguimmi najugaqarsinnaanera assigiinneq ajorpoq. Najukkat ilaanni inuttaasup pisariaqartitsinini naapertorlugu najugaqarsinnaasarpoq imaluunniit innuttaasup inimik tunineqarnissami tungaanut qimarnguimmi najuaqarsinnaasarluni. Najugaqarfiit ilaanni qimarnguimmi najugaqarneq killeqartinneqartarpoq.

Innuttaasup sivisunerusumik qimarnguimmiissaguni kommunimi sullissisuni attaveqarfigissavaa.

Piumasaqaatit

Qimarnguimmi najugaqarallarsinnaanermut innuttaasoq tarnikkut ikiligaanermik imaluunniit timikkut nakuuserfigineqarnermik nalaataqarsimassaaq. Innuttaasoq nammineerluni qimarnguimmut saaffiginnissaaq.

Qanoq akeqarpa?

Qimarnguimmi najugaqarneq assigiinngiiaartumik akeqarpoq. Najukkat ilaanni akeqarneq ajorput ilaannilu akeqartitsisoqartarluni. Najukkami qimarnguik toqqaannartumik sianerfigalugu qanoq ikiuisinnaaneranik tusarniaavigineqarsinnaavoq (linkeq ataaniittoq takussutissiaq atorlugu paasisaqarnerusinnaavutit)

Innuttaasup qimarnguimmiinnerminut akiliissaguni isumaginnittoqarfimmi sullissisoq attaveqarfigisinnaavaa, taassuma aningaasatigut ikiorneqarnissamik qinnuteqaat immersorlugu innuttaasoq ikiussavaa (linkeq isumaginnittoqarfimmi attavissat allattorsimaffianni takukkit)

Inatsit

Qimarnguiit pillugit Namminersornerullutik Oqartussat nalunaarutaat nr. 18, 8. december 2004-meersoq