Nakuusernerup suut kingunerisarpai?
Indhold
Nakuusernerup kingunerisartagai timikkut, tarnikkut aningaasaqarnikkullu ersersinnaasarput. Nakuuserfigitinneq aseruisarpoq, taamatuttaarlu angerlarsimaffimmi nakuusernermik nalaataqartarluni peroriartorneq aamma sequminneqarsinnaalluni.
- Nakkaqqaneq aamma annilaanganeq.
- PTSD (Post Traumatisk Stress Syndrom – Pisoqareersimanerani nakkanganermik ersiutit).
- Sinnarlunneq aamma eqqaamajuminaatsitsineq
- Piffissamik immikkoortitsiuminaanneq
- Puuallassimaarneq, kamaqqajaaneq aamma eqqarsarluarnissamik ajornakusoortitsineq
- Aalajangiiuminaanneq
- Imminut pisuutinneq naleqanngitsutullu misigisimaneq
- Imigassamik, hashimik il.il. atornerluineq
- Inooqataanermi immikkoorniarneq
- Inuunermi allannguuteeqqat pillugit kamassartarneq ingasattumillu qisuariartarneq
- Suliamik/suliffimmik paarsinerlunneq
- Angajoqqaatut pisassanik naammassinnissinnaannginneq
Ulluinnarni nakuuserneq inooqataaffigigaanni tamanna meeqqat ineriartornerannut sunniuteqartarpoq – piffissaq sivikinnerusoq sivisunerusorlu eqqarsaatigalugit. Meeraanermi nakuuserneq nalaassimagaanni tamanna ima kinguneqartitsisinnaavoq:
- Toqqissisimannginneq annilaanganerlu
- Imminut annikitsuaraannarmik naleqartinneq
- Kamassarnerit aamma pissusilersornikkut ajornartorsiuteqarneq
- Nerrerlunneq aamma atornerluineq
- Imminut toqoriarneq aamma tarnikkut ajuuteqarneq
- Nammineq inersimasunngorluni nakuusertalernissammut qaninnerulerneq
Indhold
Taamaattumik meeqqat nakuusernermik nalaataqartut ilisimannittulluunniit ilisimalerukku, nalunaarnissat pingaaruteqarpoq.