airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Alliaq - innuttaasunut nakuusertartunut neqeroorut

Alliaq ilinnut qanigisannut ajoqusiinnginnissat siunertaralugu qisuariaatsinnik allannguerusuttumut akeqanngitsumik kinaanermillu isertuussisumik neqeroorutaavoq.


Qanigisannut nakuusertarpit tamannalu allanngortikkusuppiuk? 

Nuna tamakkerlugu neqerooruterput angutinut arnanullu tarnip pissusaanik ilisimasalimmik oqaloqateqarnissamik imaqarpoq.

Oqaloqatigiinnerit naleqqussarneqassapput ajornartorsiutitit pisariaqartitatillu naaperiarsinnaaniarlugit. Oqaloqatigiinnerit aallartinneqarneranni nakuusernerup unitsinneqarnissaa ukkatarineqartarpoq. Tamatuma saniatigut oqaloqatigiinnerit kamakkaangavit ilinni qanoq pisoqartoqartarneranik qanorlu nakuusernak kamammik akerleriinnermillu passussisinnaanissamik ilinniarnissannik ukkataqartarput.

Ingerlatsineq inunnut ataasiakkaanoorpoq inuttullu pisariaqartitatit aallaavigalugit sivisussusaat assigiinngisitaarlutik. Nipangiussisussaatitaavugut.

Ingerlatsinermi aapparisimasinnaasannik oqaloqateqarnissamik aamma neqeroorutitaqarpoq.

Katsorsarneqarnissannut minnerpaamik 15-inik ukioqassaatit. 18-it inorlugit ukioqaruit kommunimit innersuunneqassaatit angajoqqaatillu allakkatigut akuersisimassallutik.

Innersuussinissamut piumasaqaatit pillugit uani paasisaqarnerugit.

Nakuuserneq pillugu uani paasisaqarnerugit.

Akit:
Neqeroorut akeqanngilaq, kinaanermik isertuussilluni nipangiussisussaatitaavugullu.

Attavissaq:
Oqarasuaammut 34 50 40-mut sianersinnaavutit allaffigalutaluunniit attaveqarnermut immersugassaq aqqutigalugu.

Alliamut attaveqarneq pituttuinngilaq. Oqarasuaatikkut siunnersuisutsinnut illit atukkatit pillugit siullermik naatsumik oqaluttuassaatit. Tamatuma kingorna tarnip pissusaanik ilisimasalittatsinnit ilinnik oqaloqateqarnerunikkut nalilerneqassaaq neqeroorutitsinnik iluaquteqarsinnaanersutit.

Telefoni ammasarpoq:

Ataasinngorneq - Sisamanngorneq 09:00 – 22:00
Tallimanngorneq 09:00 – 04:00
Arfininngorneq 16:00 – 04:00
Sapaat 16:00 – 22:00

Katsorsaaneq suliatigut pissutsillu periarfissaqartitsineri naapertorlugit tarnip pissusaanik ilisimasalimmut ornigunnikkut imaluunniit Skype/oqarasuaat atorlugu ingerlanneqassaaq.
Internetimut/mobilimut aningaasartuutit atuisumit nalinginnaasumik akilerneqassapput.

Alliaq Kommune Peqqinnissaqarfilluunniit peqatigalugu internetimut aaqqiissuteqarnissamut naammaginartumik annertussusilimmik peqataasinnaavoq.