airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Meeqqanik sullissisunut angalasartut pillugit quppersagaaraq


Meeqqanik sullissisut angalasartut neqeroorutaat

Meeqqanik sullissisut angalasartut nuna tamakkerlugu katsorsaanissamut neqerooruteqartarput, meeqqanut inuusuttunullu qulaajaasoqartarluni katsorsaasoqartarlunilu. Angalasartut illoqarfinni/nunaqarfinni suliniuteqartarnerat aallaaviatigut ukiumik ataatsimik sivisussuseqartarput ilaatigullu Nuummiit angalanikkullu ingerlanneqartassallutik.

  • Meeqqanik sullissisut angalasartut, meeqqat inuusuttuaqqallu kinguaassiuutimikkut atornerlugaasimasut 0-17 ukiullit,11-nik qaammatillit pingaarnertut sullitaraat.
  • Tulliullugit sullinneqartut tassaapput meeqqat inuusuttuaqqallu 0-17 ukiullit,11-nik qaammatillit, kinguaassiuutitigut imminut innarlernermik pissusilersortut aammalu kinguaassiuutitigut kannguttaatsuliornermik pissusilersortut.

Kommunip Meeqqanik sullissisut angalasartut suliniuteqarnissaannik noqqaassuteqarneratigut Meeqqanik sullissisut angalasartut aallartittassapput. Taamaallaat sulianik suliarinnittartut Meeqqanik sullissisut angalasartunut saaffiginnissinnaapput. Suliniuteqarnerup nalaani kommunip oqartussaasutut akisussanini paariinnassavaa. 

Suleriaasissat

Kommunip Meeqqanik sullissisut angalasartut suliniuteqartilereerpagit malitsigisaanik:

  1. Angalanissamik aallarniineq: Suleqatigisat attuumassuteqartut illoqarfimmi/nunaqarfimmi ataatsimeeqatigineqarnissaat. Suleqatigiinnissamut isumaqatigiissuteqartoqassaaq
  2. Kommunimi suliamik suliaqartartut Meeqqanik sullissisut angalasartunut allakkatigut innersuusiortassapput (innersuussinermi immersugassaq ikiorsiullugu), sullitat naapertorlugit Meeqqanik sullissisut angalasartuni innersuussanut akisussaasut innersuussutit misissuataassavaat
  3. Ilaqutariinnik allanillu susassaqartunik attuumassuteqartunik aallarniutaasumik ataatsimeeqateqarnissaq
  4. Qulaajaaneq: Nalaassimasamik kingunerluuteqartoqarsimaneranut/ artorsaatissinneqarsimaneraneranut annertussusiinik nalilersuineq aammalu katsorsaanissap katiternissaa
  5. Katsorsaaneq: Qaammammut marloriarluni oqaloqatiginnittarneq, ilaatigut ornigunneq ilaatigullu nittartakkatigut attaveqatigiinneq katsorsaanissamut neqeroorummi ilaatinneqassapput. Katsorsaanermi uku ilanngunneqarsinnaapput: ataasiakkaanik katsorsaaneq Eqimattanik katsorsaaneq, pinnguaatinik pinnguarnikkut katsorsaaneq, ilaqutariinnik oqaloqatiginninnerit meeqqallu isumassuisuinut sammiveqartumik suliniuteqarnerit, pisariaqartitsineq naapertorlugu attaveqaatit ataatsimeeqatigiittarnissaat
  6. Piginnaasanik ineriartortitsineq: Sullissisunut attuumassuteqartunut siunersiuineq, suliatigut avitseqatigiinneq, ilinniartitsineq aammalu workshoppertitsineq. Pisariaqartitsineq illoqarfimmi/nunaqarfimmi aallarnisaanermi qulaajarneqassaaq
  7. Attuumassuteqartunut inaarutaasumik ataatsimeeqateqarneq: Innersuussutinik tunniussinissaq misissuataarinissarlu qulakkeerneqassapput

Quppersagaq uunga aajuk .