airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Meeraatilluni kinguaassiutikkut atornerlunneqareernerup kingunerluutai suuppat?


Inuttut ataasiakkaatut kingunerluutit misigineqartartut assigiinneq ajorput. Aammalu kingunerluuteqartoqartarnersoq. Kingunerluutit tassaasinnaapput:

• Annilaanganeq aammalu ernumakulaneq
• Nikallungarujussuarneq
• Allanut namminerminulluunniit uumissuineq kamassaqarujussuarnerlu
• Imminut pisuutinneq aamma/immaqaluunniit kanngusunneq
• Sinnattupilunneq sinnarlunnerlu
• Kingumut qiviatsiarnerit
• Mianersuinnaavinneq / ersituneq / sillimaannaavinneq
• Malinnaanissamik ajornartorsiuteqarneq
• Eqqaamaniarnermik ajornartorsiuteqarneq
• Allanut tatiginnissinnaannginneq
• Imigassamik/aanngajaarniutinik atornerluineq
• Imminut toqunnissamik eqqarsaateqarneq/-pissusilersorneq
• Allanut qanilliuminaatsitsineq
• Aappariinnermi inooqatigiinnermi ajornartorsiutit
• Nerisaqarnermik ajornartorsiuteqarneq (oqippallaarneq oqimaappallaarnerluunniit)
• Imminut naleqartinnginneq/tatiginninnginneq
• Artornartorsiorsimanermut takussutissat (Post-traumatisk stress syndrom (PTSD))
• Tarnikkut nappaatit

Taakku ersiutit, kinguaassiutitigut atornerlugaasimanerup kinguneranik kingunerluutaasinnaapput, kisiannili aamma allanit pissuteqarsinnaapput.

Kinguaassiutitigut atornerlugaasimanermi eqqaamasat peerneqarsinnaanngillat, pisimasulli inooqatiginissaat ikiorneqarnikkut ilinniarneqarsinnaavoq, taamaasilluni atornerlugaasimagaluarluni inuuneq oqinnerusoq atorlugu inuunerittoqarsinnaavoq.