airplanebooksbriefcase business cogs cross election entertainment fish house law lockmedicalpeopleselfservices socialtax
Iserfissaq

Angalaqatigiittartut inersimasunik katsorsaasartut


Inersimasunik katsorsaasut angalasartut ilisarnaataat

Inersimasunik Katsorsaasut Angalasartut (IKA) nuna tamakkerlugu inersimasunut katsorsaanissamik neqerooruteqarput, suliniummi kinaassutsimik isertuussilluni katsorsartinneq neqeroorutaavoq inersimasunut kinguaassiutikkut atornerluneqarsimanikkut kingunerlutitsisut.

Angalasartut illoqarfinni/nunaqarfinni suliniuteqartarnerat aallaavittut ukiumik ataatsimik sivisussuseqartarpoq, ilaatigut Nuummiit angalanikkulluunniit ingerlanneqartassallutik.

Sullinniakkat innuttaasut inersimasut kinguaassiutimikkut atornerlugaasimasut kingunerluuteqartut.

Katsorsartinnermullu neqeroorutaasinnaasut:

  • Ataasiakkaanik katsorsaaneq
  • Aappariittut katsorsartinneq
  • Eqimattatut katsorsartinneq

 

Saniatigut

  • Pisariaqartitsineq naapertorlugu attaveqaatit ataatsimeeqatigiittarnerat
  • Aqqutissiuussineq (supervisioni)
  • Suliatigut avitseqatigiinneq
  • Ilinniartitsineq aammalu pikkorissaanerit

Inersimasunik Katsorsaasut Angalasartut naleqquttuusinnaavoq illoqarfimmut/nunaqarfimmut, kommuunip nalilersimappagu suliniut anginerussasoq katsorsaanikkut aammalu suliniut kommuunip suliassaqarpallaaneratigut kivikkuminaatsikkuniuk.

Pisortatigoortumik qinnuteqassooq kommuuni qullersai aqutsisut, Inersimasunik Katsorsaasut Angalasartut suliniutaat atorniarunikku. Qinnuteqaat nassiunneqassaaq mailimut: iass@nanoq.gl

Skabeloni qinnutqarnermi uani aaneqarsinnaavoq DK SKABELON ANMODNING OM VOKSENREJSEHOLDET

 

Qinnuteqaatit arlariit Isumaginninnermut Aqutsisoqarfik tingusaqarpat, Inersimasunik Katsorsaasut Angalasartut tingusinnaasaannik, tulleriiaarisariaqaput qinnuteqaatinik. Taamaammat qulakkeerutaanngilaq suliaq aallartissasoq qinnuteqarnermi Inersimasunik Katsorsaasut Angalasartunik.

 

Ingerlatseriaaseq aallartitsinermi Inersunik Katsorsaasut Angalasartunik

1. Angalanissap aallartisarnera: Suleqatigiinnissamut isumaqatigiissut aammalu alapernaarsorluni angalaneq. Suliamut attuumassutillit illoqarfimmi/nunaqarfimmi ataatsimeeqatigiinnerat

2. Kommuni IKA-mut allakkatigut nalunaarnikut innuttaasut nassiutissaaq. IKA-mi Katsorsaasuni Akisussaasoq misissuissaaq nalunaarnikunik

3. Siullermeerluni naapinneq nalunaarnikorlu suliamullu susassaqartut ataatsimeeqatigiinneq

4. Qulaajaaneq: Sakkortuumik nalaassinerup kingunerlutsitsinerata/artorsaatitsinerata annertussusaanik nalilersuineq aammalu katsorsaanissap pilersaarusiornera.

5. Katsorsaaneq: Qaammammut ataasiarluni oqaloqatiginnittoqartarpoq imaluunniit amerlanerusut, katsorsaasorlu isumaqatiittarput. Ilaatigut ornigunneq ilaatigullu nittartakkatigut attaveqatigiinneq katsorsaanissamut neqeroorummi ilaatinneqassapput. Katsorsaanermi periusaasinnaasut:

  • Ataasiakkaanik katsorsaaneq
  • Aappariittut katsorsartinneq
  • Eqimattatut katsorsartinneq

6. Piginnaasanik ineriartortitsineq: Sullissisunut attuumassuteqartunut siunersiuineq, suliatigut avitseqatigiinneq, ilinniartitsineq aammalu pikkorissaaneq. Suleqatigiinnerup aallartinnerani isumaqatigiissutigineqassaaq qulaani pineqartut sorliit pisariaqartinneqarnersut.

7. Suliamut attuumassuteqartunut inaarutaasumik ataatsimeeqateqarneq:

Suliamik tunniussineq aammalu innersuussutinillu tunniunneqarsimasunik eqqartueqatigiinneq.

 

Ataani takuneqarsinnaavoq Inersimasut Katsosaasut Angalasartut suleriusaat:

 

 

Quppersagaq uani downloaderneqarsinnaavoq Pjece voksenrejseholdet - KAL

Apeqqutissaqaraanni ataani allaqqasut attavigineqarsinnaapput:

Immikkoortortaqarfimmi pisortaq, Naja Lund Kielsen, Inulerinermut Immikkoortortaqarfik, Isumaginninnermut Aqutsisoqarfik. nalk@nanoq.gl 

Katsorsaanermut akisussaasoq Pilunguak Poulsen, Inulerinermut Immikkoortortaqarfik, Isumaginninnermut Aqutsisoqarfik. pilp@nanoq.gl