Pikkorissaanernut najoqqutassiap siunertaa
Piginnaaneqarnerulerit meeqqanik inuusuttunillu sanngiiffilinnik sullissinerup pitsaassusaanik nukittorsaagit.
Pikkorissaanernut najoqqutassiaq Isumaginninnermut Aqutsisoqarfiup pikkorissaaneri/isumasioqatigiissitsineri/ suleqatigiissuteqartitsineri, meeqqanut inuusuttunullu tunngatillugu sulisut piginnaasaannik qaffassaanissap ilisimasanillu avitseqatigiinnissap qulakkeerneqarnissaanik siunertallit tamarmik ataatsimut katersorneqarput.
Pikkorissaanerni saaffigisat
Pikkorissaanerni ilaatigut kommunini inunnik isumaginnittoqarfimmi, ilaqutariinnik sullissivinni, ulloq unnuarlu paaqqinniffinni innarluutilinnullu sullissivinni kiisalu ilaqutariinnut paarsisartunut tunngasunik suliallit aqutsisullu saaffigineqarput. Pikkorissaanerit neqeroorutaasut ataasiakkaat nalaanni saaffigisat takukkit.
Pikkorissaanerit imarisaallu
Pikkorissaanernut najoqqutassiaq ilinniagaqassutsimut tunngasunut sammisanut- saamiup tungaani toqqagassami takuneqarsinnaasunut- immikkoortitigaavoq. Siunertaat, imarisaat, ilikkagassat, saaffigisat paasissutissallu nalinginnaasut allat pikkorissaanerit ataasiakkaat nassuiaatitaanni annertunerusumik paasisaqarfigisinnaavatit.
Peqataaniarluni nalunaarneq attavissarlu
Pikkorissaanerit ataasiakkaat nassuiaatitaasa ataanni immersugassamik immersuinikkut pikkorissaanermi peqataaniarlutit nalunaassaatit.
Pikkorissaanerni tamatigut peqataaniarluni nalunaartoqarsinnaannginnera maluginiassavat. Pikkorissaanissaq suli ullulerneqarsimanngippat sumiiffissarlu suli aalajangerneqarsimanngippat ilaatigut taamaattoqarsinnaassaaq. Taamaattoqartillugu immersugassami (”Kontaktformular”) soqutiginninnerit- aalajangerneqarpallu kalerrinneqarnissat kissaatigigit allassinnaassavat.
Apeqqutissat
Pikkorissaanissaq aalajangersimasoq pillugu ass. atortussat, ullut, akit il.il. pillugit apeqqutissaqaruit, pikkorissaanerit ataasiakkaat nassuiatitaanni ”kontaktformularikkut” pikkorissaanermi pineqartumi aaqqissuisut allaffigisinnaavatit.Apeqqutissat allat uunga innersuunneqarsinnaapput iasskursus@nanoq.gl
