Kursus
Isumaginninnermut Aqutsisoqarfiup pikkorissaanernut neqeroorutaanut pineqartut
Isumaginninnermut Aqutsisoqarfiup pikkorissaanissaminik neqeroorutai meeqqanik inuusuttuaqqanillu sullissisutut sulisut piginnaasaasa qaffassarneqarnissaannik aamma ilisimasanik avitseqatigiinnissamik qulakkeerinneqataasarput. Pikkorissaanissamik neqeroorutit ilaatigut kommunimi Isumaginnittoqarfimmi meeqqanik inuusuttuaqqanillu sullissisunut aqutsisuinut, ilaqutariit illuinut, ulloq unnuarlu neqeroorutinut aamma ulloq unnuarlu innarluutilinnut neqeroorutini sulisunut kiisalu ilaqutariinnut paarsisartunut sammitinneqarput. Immikkut ittumik neqeroorutip ataani pikkorissaassutissap allaaserineqarnerata nalaani eqimattat sullinniakkat kikkuuneri takukkit.
Peqataaniarluni nalunaarneq
Isumaginninnermut Aqutsisoqarfiup piginnaanngorsarnissamut pikkorissaassutissatut neqeroorutaani ilaaniarluni nalunaarneq pikkorissaassutissat ataasiakkaat eqimattat sullinniagai suleqatigalugit Isumaginninnermut Aqutsisoqarfimmit ataqatigiissaarneqartarput. Taamaattumik qupperneq una aqqutigalugu tunngaviusumik pikkorissarnissamut peqataaniarluni nalunaarnissaq taamaallaat sullitanut siumoortumik akuersissutigineqareersimasunut periarfissaqarpoq.
Apeqqutit
Isumaginninnermut Aqutsisoqarfiup suliaanut apeqqutissaqaruit, iasskursus@nanoq.gl-imut attaveqarnissannut tikilluaqqusaavutit
Kommunal socialforvaltning
Quppernermi uani kommunimi isumaginnittoqarfinni meeqqanut inuusuttunullu suliassaqarfimmi sullissisunut aqutsisunullu pikkorissartitsinissamut, webinarinut imaluunniit isumasioqatigiinnernut neqeroorutit takuneqarsinnaapput.
Innarluutilinnut ulloq unnuarlu paaqqinnittarfiit
Quppernermi uani innarluutilinnut ulloq unnuarlu paaqqinnittarfinni sulisunut aqutsisunullu pikkorissartitsinissamut neqeroorutit, webinarit, isumasioqatigiinnerillu takuneqarsinnaapput.
Pikkorissarnerit, webinarit, isumasioqatigiinnerit aamma workshopit allat
Isumaginninnermi meeqqat aamma inuusuttut pillugit suliaqarfimmi suliaqartunut pikkorissarnissamut, webinarinut imaluunniit isumasioqatigiinnernut neqeroorutit allat uani takusinnaavatit.