Unammisitsinermi meeqqat aamma inuusuttut siunissamik imigassamit aalakoornartortalimmit ajoqusiisumik kingunerlutsitsiffiunngitsumik takorluukkaminnik assiliartaleeqqullugit kajumissaarneqarput. Titartakkat nassiunneqartut meeqqat inuusuttullu ilaqutariinnik nuannaartunik, pinngortitami sammisassaqartitsinernik peqqinnartunik aamma siunissaq pillugu neriuuteqarnermik takorluugaannik nuannersunik takutitsput.
Ajugaasut pingasut – trinini tamanit ataatsit – naliliisunit ukunannga sinniisuutitaqartunit toqqarneqaqqammerput; Peqqissutsimut Naalakkersuisoqarfik, Innuttaasut Peqqissusiannik Ilisimatusarfik, Paarisa, MIO, UNICEF Kalaallit Nunaat aamma WHO/Europe.
Ajugaasut pingasut tassaapput:
• Nukarliit: 1. klassit, Juaap Atuarfia, Kangersuatsiaq
• Akulliit: 6.x-it, Tasiilami Alivarpi, Tasiilaq
• Angajulliit: 8.a-t, Tasersuup Atuarfia, Qaqortoq
WHO/Europe-p naliliisuuni sinniisua, Aleksandra Olsen, ima oqaaseqarpoq:
- Nassiunneqartut taama amerlatigisut pinngorartitsisinnaanermik takutitsisut takullugit nuannerluinnarpoq. Titartakkat angisuumik takorluuinermik taamaallaat takutitsinngillat, aammali meeqqat peqqinnartumik, toqqissisimasumik aamma pitsaasumik inuuneqarnissap qanoq pilersinneqarnissaanik paasinninnerannik takutitsisuullutik.
Titartakkat toqqakkat, tassunga ilanngullugit ajugaassutigineqartut pingasut saqqummiussamut uunga ilanngunneqarput: Imigassaq aalakoornartortalik pillugu ukiunut arlalinnut politikkissamut, ilisimatusarnermit tunngavilimmut, inassuteqaatit.
Unammisitsineq ataatsimoorfinnik, aamma siunissamik arlaannaataluunniit imigassamit aalakoornartortalimmit ajoquserneqannginnissaanik siuarsaanermik suliap ilagivaa. Inuiaqatigiinni unammilligassat iluarsiiffiginissaannut meeqqat inuusuttullu qanoq tapertaasinnaanerannik titartakkat nassiunneqartut amerlasuut pingaarutilimmik eqqaasitsisuupput.
Paasissutissanik arlaqarnerusunik pissarsiniarlutit naalakkersuisup allattaa
Nivé Lynge Biilmann e-mailimut: nilb@nanoq.gl
imaluunniit oqarasuaammut: +299 34 52 84-imut attaveqarfigiuk.
Ajugaasut titartagaat:
1. klassit Juuap Atuarfia, Kangersuatsiaq.
6.x Tasiilami Alivarpi.
8.a-t Tasersuup Atuarfia, Qaqortoq.