Siusissukkut Suliniuteqarneq sumut tunngava?
Siusissukkut Suliniuteqarneq tassaavoq ilaqutariinnut naartusortallinnut immikkut ittumik tapersersorneqarnissamik pisariaqartitsisunut suliniuteqartartut. Meeqqap atugaasa pitsanngorsarnissaanut suliniuteqarnermi siunertaavoq. Pitsaasunik inunnut attaveqartarnerup inuuneq sivitsortarpaa.
Suliaqarfiit assigiinngitsut soorlu ernisussiortunik, meeqqerisunik aamma inunnik isumaginninnermut siunnersortimik inuttaqartut, ilaqutariit qanimut suleqatigalugit suliniuteqarneq ataqatigiissartarpaat.
Matumani taakku qulakkeertarpaat ilaqutariit nalimmassakkamik tapersersorneqarnissaat aamma suliaqarfiit assigiinngitsut akornanni ilaqutariit sullinneqarnerata kipiluttunartuunnissaa pinngitsoortinniarlugu. Ilaqutariit pillugit suliaqarfiit assigiinngitsut suleqatigiinnerisa ilaqutariit inissisimaffiannut pisariaqartitaannullu naleqquttunik neqeroorfigineqarnissaat sulissutigisarpaat.
Siusissukkut Suliniuteqarneq pillugu Isumaginninnermut Aqutsisoqarfimmi suliaqartarput
Isumaginninnermut Aqutsisoqarfiup Meeqqanik Inerisaanermik Immikkoortortaqarfiani Siusissukkut Suliniuteqartartunik sullissisunik sulisoqarpoq.
Isumaginninnermut Aqutsisoqarfimmi Siusissukkut Suliniuteqartartut suleqatigiit sulisorisagut, pingaarnertut "Ilaqutariinnut naartusortalinnut Siusissukkut Suliniuteqartut"-mik ataqatigiissaaralutillu pilersaarusiorfigineqarneranik inerisaasarput.
Ataatsimiinnissanik ataqatigiissaarinernik, nunap immikkoortuini nunalu tamakkerlugu pikkorissartitsinissanik ingerlatsinermik ilisimasanillu siammarterineq suliarisarpaat. Ilaatigut suleqatigiit assigiinngitsut suleqatigiinnerisa suliniuteqarnerannik pitsaanerusumik ataqatigiisaarisarnissaq qulakkeerniarlugu eqimattatut suleqatigiinnik ataatsimiititalianillu ineriartortitsinermut peqataasarput.
Siusissukkut Suliniuteqartartunut sullissisut Meeqqanik Inerisaanermik Immikkoortortaqarfimmi inissisimavoq, makkualu ilaatigut suliarisarpaat:
- Siusissukkut Suliaqartartunik sullissisuni nuna tamakkerlugu siunnersuisarfittut, tapersersuisarfittullu – Siusissukkullu Suliniuteqarnermik atuuttusanngortitsiniarnermik pitsanngorsaassalluni sullissisarput.
- Ineriartortitsinermik suliassanik isumaginninneq soorlu:
- Najukkami imaluunniit nuna tamakkerlugu isumasioqatigiinnernik/pikkorissartitsinernik ingerlatsineq, ilisimasanik siammarterinissaq, oqaloqatigiinnissaq aamma nuna tamakkerlugu Siusissukkut Suliniuteqartartut eqimattani sulisut akornanni attaveqartarnermik pilersitsineq.
- Ataatsimiinnissanik, pikkorissarnissanik il.il. pilersaarusiorneq ingerlatsinerlu
- Ilisimasanik siammarterineq paasissutissiinerlu, matumani Siusissukkut Suliniuteqarnermut atatillugu sulianik suliaqartartunit siunnersorneqarneq ilanngullugu, assersuutigalugu ernisussiortumit, meeqqerisumik perorsaasumiillu.
-
Apeqqutissaqaruit, isumasioqatigisaqarusukkuit, siunnersorneqarnissannilluunniit pisariaqartitsiguit imaluunniit e-mailimut uunga attaveqarnissamut tikilluaqqusaavutit: tidligindsats@nanoq.gl. Oqarasuaatikkut marlunngornerit sisamanngornerillu tamaasa nal. 14:00-16:00 aamma attaveqarsinnaavutit oqarasuaammut +299 251019.
