Sakkortusisamik nalunaaruteqartussaatitaaneq

Meeqqat tapersersorneqarnissaannut Inatsisartut inatsisaat nr. 20, 26. juni 2017-meersumi § 16-imi allaqqavoq, innuttaasoq kinaluunniit isumaginnittoqarfimmi, atuarfeqarfimmi, peqqinnissaqarfimmiluunniit sulisutut sulinermi nalaani meeqqamik ikiorserneqarnissamik pisariaqartitsisumik ilisimasaqaleruni kommunimut ingerlaannaartumik nalunaaruteqarnissaminut sakkortusissamik pisussaaffeqarpoq.

Taamattaaq nalunaaruteqartussaatitaaneq innuttaasunut qinikkkanut imaluunniit inuiaqatigiinnik sullissinermi tunngaveqartumik suliaqartunut.

Sakkortusisamik nalunaaruteqartussaatitaaneq nipangersimasussaataanermit pingaarneruvoq.

Eqqasuutit pillugu ittorisat oqaloqatigiuk. Ataatsimoorlusilu aaliangissavarsi susoqassanersoq.

Pitsaajuaannarpoq eqqasuutisi pillugit meeqqamik isumasiginnittut oqaloqatigigussigit. Suleqatigiilluarnikkut ikioqatigiinnikullu meeraq ilaqutaalu ikiorluarneqarsinnaapput.

Eqqamallugu: Meeqqamut isumassuisut oqaloqatigissannginnakkit pasitsaasineq imaluunniit ilisimalikkat malillugit isumassuisut paarsinerlunnermut, annersaanermut imalunniit kinguaassiuutitigut atonerluisutut pasineqarpata.

Nalunaarutit ukuninnga imaqassaaq:

• Meeqqap atia inuttullu normua

• Paasissutissat meeqqamut tunngasut

• Sooq nalunaaruteqarnersutit

• Meeqqap ineriartorneranut paasissutissat

• Angajoqqaavinik suleqateqarneq

• Meeqqap nammineq oqaatigisai

• Meeqqap qanoq atugarissaartigineranut tunngasunik paasissutissat

• Paasissutissat allat pineqartumut tunngasut

Nalunaaruteqartussaatitaanerit malinngikkukku suliffinnik paarsinerlunnermik nalilerneqassaaq, pinerluttulerinermilu inatsit malillugu pineqaatissinneqarsinnaavutit.