Eventskema sunaana?
Eventskema tassaavoq inuusuttuaqqap angajoqqaallu inuunerminni sakkortuunik nalaataqarsimanerannik nalunaarsuiffik.
Immersugassami inuusuttup nammineerluni misigisimasai imaluunniit inuusuttup misigisamut isiginnittuuffigisimasai apersuutigineqassapput. Immersugassaq inuusuttunit 13-iniit 18-it tikillugit ukiulinnit atorneqarsinnaavoq. Aammattaaq angajoqqaanut immikkut immersugassaqarpoq.
Eventskema kiap atorsinnaavaa?
Sulisut tamarmik immersugassaq atorsinnaavaat. Immersugassaq ima ilusilersorneqarnikuuvoq inuusuttumiit immersorneqarsinnaalluni, inuusuttulli arlallit sulisoq peqatigalugu immersuerusuttarput.
Eventskema nittartakkami kalaallisut aamma danskisut aaneqarsinnaavoq.