OCTS sunaava?
Odense Child Trauma Screening (OCTS) oqaluttuamik oqaluttuartitsilluni misissuutitut atortuuvoq. Misissuinermut atortoq, oqaluttuamik oqaluttuarneq aamma LEGO®-ni inuusat pinngussat atorlugit aaqqissuussamik pinnguarnermik tunngaveqarpoq. OCTS meeqqanik sisamaniit arfineq-pingasunik ukiulinnut atorneqartarpoq, meeqqap sakkortuumik nalaataqarsimanerata kingorna kingunerluuteqartitsilluni ersiuteqarneranut misissuutaalluni.
Meeqqap qamani ilumini avatangiisiminilu aporaaffinni qanoq qisuariartarneranik aammalu qanoq meeqqap angajoqqaallu ulluinnarni attaveqariaaseqarneranik takutitsisinnaavoq.
Aaqqissuussaasumi pinnguarnermi takuneqarsinnaasarpoq meeqqat sakkortuumik nalaataqarnerminni qanoq kingunerlutsitsinersut. Aqutsisup/Tarnip Pissusiinik Immikkut Ilisimasallip ilisarnakannersunik ulluinnarni aporfiusinnaasunik misigissutsikkullu tigujuminarsinnaasumik oqaluttuarneq aallartissavaa, tamatuma kingorna meeqqap oqaluttuaq nangillugu oqalulluni pinnguarlunilu nangissavaa.
Taamatut oqaluttuanik aallartitsinerit meeqqamillu oqaluttuamik nangitassaliornerit assigiinngitsunik imaqartinneqarlutik uteqattaartinneqartassapput aamma meeqqap pissusilersuutai pinnguarnerilu naammassinerup kingorna nalunaarsorneqartassapput. OCTS-imi ersersinneqarsinnaavoq qanoq meeraq nunarsuarmut isiginnittariaaseqarnersoq, aammalu inersimasunit ikiorserneqarnertik qanoq misigisarneraat. Taamaasilluni OCTS-imi inernerusut takutissinnaavaat qanoq meeqqamut tulluartumik katsorsaasoqarsinnaanersoq.
OCTS kimit atorneqarsinnaava?
OCTS Tarnip Pissusiinik Immikkut Ilisimasalinnik taamaallaat atorneqarsinnaavoq. Illit Tarnip Pissusiinik Immikkut Ilisimasalittut OCTS-imut atortut pissarsiarerusukkukkit aammalu OCTS-ip qanoq atorneqarnissaanik pikkorissarnissamut kissaateqaruit uunga attaveqarsinnaavutit Videnscenter For Psykotraumatologi på Syddansk Universitet: psykotraume@health.sdu.dk