Strengths and Difficulties Questionnaire (SDQ) tassaavoq immersugassaq 25-inik apeqqutitalik, meeqqat marlunniit 17-inik ukiullit ajornartorsiuteqarfiusuni sisamani nalilersuifiginissaannut ineriartortinneqarsimasut, makkunani aallaamaneq/eqqumaffiginninnginneq, misigissutsikkut ajornartorsiutit, pissusilersornikkut ajornartorsiutit, ukioqatinut sanilliullugu ajornartorsiutit kiisalu nukittuffiit inuillu akornanniinnermi nukittussuseq.
Sulianik suliaqartut eqimattat tamarmik Kalaallit Nunanni meeqqat inuusuttullu pillugit sulinerminni SDQ-mik atuisinnaapput, meeqqap inuusuttulluunniit atugaanik paasisaqarnissaq angujumallugu.
Atugassiat assigiinngitsut pingasut nassaassapput, ataaseq meeqqanit inuusuttuniillu aqqanilinniit 17-inik ukiulinnit immersorneqartussaq, ataaseq meeraq pillugu apeqqutinik angajoqqaat akiortugassaannik imalik ataaserlu ilinniartitsisunut perorsaasunullu atugassiaq.
Atugassiat assigiinngitsut pingasut immersorneqarnerat, meeraq pillugu paasisanik assigiinngitsunik tunniussisinnaavoq taamaalillunilu meeqqap atugai tapersersuiffiginiarlugit tamakkiisuusumik isigaluni suniliuteqarnermik tunniussisoqarsinnaalissalluni.
SDQ-mi apersuinermi immersugassaq, sulianik suliaqartartut meeqqat inuusuttullu pillugit suliaqarneranni aamma meeqqap inuusuttulluunniit atugaanik annerunerusumik paasisaqarnissaq atorfissaqartikkaangassuk atorneqartarpoq.
Apersuinermi immersugassaq, meeraq aqqanillit sinnerlugit ukioqarpat meeqqamit namminermit immersorneqassaaq taamaanngippat meeqqap angajoqqaavinit immersorneqassalluni.
SDQ-mi apersuinermi immersugassat assigiinngitsut marluusut, kalaallit danskisullu kinguliini tuugassat toorlugit aasinnaavatit.